തമിഴ്നാട് നിയമസഭാ തിരഞ്ഞെടുപ്പിലെ മിന്നും വിജയത്തിന് പിന്നാലെ ആരാധകരെ ആവേശത്തിലാഴ്ത്തി ദളപതി വിജയ്യുടെ പുതിയ ചിത്രമായ 'ജനനായക'ന്റെ ടൈറ്റില് കാര്ഡ് പുറത്ത്. തിയേറ്ററുകളില് പ്രദര്ശിപ്പിച്ച ടൈറ്റില് കാര്ഡിന്റെ ദൃശ്യങ്ങള് ഇപ്പോള് സോഷ്യല് മീഡിയയില് കാട്ടുതീ പോലെ പടരുകയാണ്. 'ബഹുമാനപ്പെട്ട തമിഴ്നാട് മുഖ്യമന്ത്രി സി. ജോസഫ് വിജയ്' എന്നാണ് ടൈറ്റില് കാര്ഡില് വിശേഷിപ്പിച്ചിരിക്കുന്നത്. ഇന്ത്യയില് ആദ്യമായാണ് ഒരു നടന് 'സിഎം' ടൈറ്റില് കാര്ഡ് ലഭിക്കുന്നത് എന്ന പ്രത്യേകതയുമുണ്ട്.
വലിയ ആരവത്തോടെയും കൈയടികളോടെയുമാണ് ആരാധകര് ഈ ടൈറ്റില് കാര്ഡിനെ വരവേല്ക്കുന്നത്. പോലീസ് വേഷത്തില് സ്ലോ മോഷനില് നടന്നു വരുന്ന വിജയ്യുടെ മാസ്സ് എന്ട്രിയും പിന്നാലെ 'ഉടന് തിയേറ്ററുകളില് ആഘോഷിക്കാം' എന്ന സന്ദേശവും സ്ക്രീനില് തെളിയുന്നുണ്ട്. തിരഞ്ഞെടുപ്പ് വിജയം ആഘോഷിക്കുന്നതിന്റെ ഭാഗമായാണ് തിയേറ്ററുകളില് ഈ പ്രത്യേക പ്രദര്ശനം ഒരുക്കിയിരിക്കുന്നത്.
തമിഴ്നാട് നിയമസഭാ തിരഞ്ഞെടുപ്പില് ആകെയുള്ള 234 സീറ്റുകളില് 108 സീറ്റുകള് നേടിയാണ് വിജയ്യുടെ തമിഴക വെട്രി കഴകം (ടിവികെ) ഏറ്റവും വലിയ ഒറ്റക്കക്ഷിയായത്. മത്സരിച്ച രണ്ട് മണ്ഡലങ്ങളിലും (പേരമ്പൂര്, തിരിച്ചിറപ്പള്ളി ഈസ്റ്റ്) വിജയ് തന്നെ വിജയിച്ചു കയറി.
ഇതില് ഒരു സീറ്റ് വിജയ് ഉപേക്ഷിക്കുന്നതോടെ അവിടെ ഉപതിരഞ്ഞെടുപ്പ് വേണ്ടിവരും. കേവലഭൂരിപക്ഷത്തിന് 118 സീറ്റുകള് വേണ്ട സംസ്ഥാനത്ത് ഭരണമുറപ്പിക്കാന് 11 എംഎല്എമാരുടെ പിന്തുണ കൂടി ഇനി വിജയ്ക്ക് ആവശ്യമാണ്. സിനിമയും രാഷ്ട്രീയവും ഒരുപോലെ ചര്ച്ചയാകുന്ന തമിഴകത്ത് 'ജനനായക'ന്റെ വരവിനായി കാത്തിരിക്കുകയാണ് ആരാധകര്.
Premium Lifestyle and Entertainment website
രേണു പോരാട്ടത്തിന്റെ നടുവിലാണ്; ചെറുതല്ലാത്ത രോഗത്തോട് ധൈര്യത്തോടെ പൊരുതുകയാണ്; മെഡിക്കല് റിപ്പോര്ട്ട് പ്രകാരം രോഗം കൂടുതല് സാരമായി ബാധിച്ചു; കോട്ടയം മെഡിക്കല് കോളേജില് തുടര് ചികിത്സ ആരംഭിക്കും; ബിഷപ് നോബിള് ഫിലിപ്പ് അമ്പലവേലില് സുധിലയത്തില് എത്തിയ ചിത്രം പങ്ക് വച്ച് ഫിറോസ് കെഎച്ച്ഡിഇസി കുറിച്ചത്
പ്രഭുദേവയുടെ കൊറിയോഗ്രാഫിയില് നര്ത്തകനായി തുടക്കം; നൊറാ ഫത്തേഹിയുമായുള്ള അടുപ്പം നല്കിയ ലോക വേദി; ഫുട്ബോള് ലോകകപ്പില് മലയാളിയുടെ ചുവടുകള്; ഔദ്യോഗിക ഗാനത്തിന് നൃത്തസംവിധാനമൊരുക്കി പാലക്കാട്ടുകാരന്; ഫിഫ ആല്ബവുമായി സഹകരിക്കുന്ന ആദ്യ ഇന്ത്യക്കാരനായി രജിത് ദേവിനെ അറിയാം