ജീവിതത്തിലേക്ക് പുതിയ അതിഥിയെ വരവേല്‍ക്കാനുള്ള ഒരുക്കത്തിലാണ് ഛായാഗ്രാഹകന്‍ ജോമോന്‍ ടി. ജോണ്‍. ഭാര്യ അന്‍സു എല്‍സ വര്‍ഗീസിനൊപ്പമുള്ള മറ്റേണിറ്റി ഫോട്ടോഷൂട്ടിന്റെ ചിത്രങ്ങള്‍ പങ്കുവെച്ചാണ് ജോമോന്‍ ഈ സന്തോഷവാര്‍ത്ത ആരാധകരുമായി പങ്കുവെച്ചത്. ലണ്ടനില്‍ വെച്ചെടുത്ത ചിത്രങ്ങള്‍ക്കൊപ്പം, 'ഞങ്ങളുടെ കഥയിലേക്ക് കുറച്ചുകൂടി സ്‌നേഹം കൂട്ടിച്ചേര്‍ക്കുന്നു' എന്ന കുറിപ്പും അദ്ദേഹം പങ്കുവെച്ചിട്ടുണ്ട്.
നിരവധി പ്രമുഖര്‍ ഇരുവര്‍ക്കും ആശംസകളുമായി രംഗത്തെത്തി. അമൃത സുരേഷ്, ഗീതു മോഹന്‍ദാസ്, സുരഭി ലക്ഷ്മി തുടങ്ങിയവര്‍ ജോമോനും അന്‍സുവിനും അഭിനന്ദനങ്ങളറിയിച്ചു..2023 ഡിസംബറിലാണ് ജോമോനും അന്‍സുവും വിവാഹിതരായത്. നടന്‍ ആന് അഗസ്റ്റിനായിരുന്നു ജോമോന്റെ ആദ്യ ഭാര്യ. 2014-ല്‍ വിവാഹിതരായ ഇവര്‍ ആറ് വര്‍ഷങ്ങള്‍ക്ക് ശേഷം വേര്‍പിരിഞ്ഞിരുന്നു. 'ബ്യൂട്ടിഫുള്‍', 'തട്ടത്തിന്‍ മറയത്ത്', 'അയാളും ഞാനും തമ്മില്‍', 'എന്നു നിന്റെ മൊയ്തീന്‍', 'ചാര്‍ളി', 'ഗോള്‍മാല്‍ എഗെയ്ന്‍' തുടങ്ങിയ നിരവധി ശ്രദ്ധേയ ചിത്രങ്ങളില്‍ ജോമോന്‍ ഛായാഗ്രഹണം നിര്‍വഹിച്ചിട്ടുണ്ട്.
'തണ്ണീര്‍മത്തന്‍ ദിനങ്ങള്‍' എന്ന ചിത്രത്തിന്റെ സഹനിര്‍മ്മാതാവെന്ന നിലയിലും അദ്ദേഹം ശ്രദ്ധേയനായിരുന്നു. തമിഴില്‍ 'ബ്രഹ്മന്‍', 'എനൈ നോക്കി പായും തോട്ട', 'പാവ കഥൈകള്‍', 'ധ്രുവനച്ചത്തിരം' എന്നീ ചിത്രങ്ങളിലും ഹിന്ദിയില്‍ 'ഗോള്‍മാല്‍ എഗെയ്ന്‍', 'സിംബാ', 'സര്‍ക്കസ്' എന്നീ ചിത്രങ്ങളിലും അദ്ദേഹം പ്രവര്‍ത്തിച്ചിട്ടുണ്ട്.
Premium Lifestyle and Entertainment website
'ചെറുപ്പത്തില്‍ ആ ചിത്രം ഏറെ ഭയപ്പെടുത്തിയിരുന്നു, പിന്നീടാണ് അതൊരു വലിയ സിനിമയാണെന്ന് മനസിലായത്'; മോഹന്‍ലാല്‍ ചിത്രത്തെ പ്രശംസിച്ച് സംവിധായകന്‍ കൃഷാന്ദ്
നിങ്ങള്‍ ഞങ്ങളുടെ കുടുംബത്തിന്റെ ഹൃദയമാണ്;ഞങ്ങള്‍ എടുക്കുന്ന ഓരോ ചുവടും പിന്നിലെ ശക്തിയും; അമ്മയുടെ പിറന്നാള്‍ ദിനത്തില്‍ ബാല്യകാല ചിത്രം പങ്കുവച്ച് നയന്‍താര; പിറന്നാള്‍ നിറവില്‍ ഓമന കുര്യന്‍