എന്റെ ആദ്യ വിവാഹം; അവരുടെ രണ്ടാം വിവാഹവും; ആദ്യ ബന്ധത്തില്‍ ഉണ്ടായിരുന്നത് രണ്ട് മക്കള്‍; ഭാര്യ പോയത് കാന്‍സര്‍ ബാധിച്ച് ചികിത്സയിലിരിക്കെ; താന്‍ ആഭാസനാണെന്നും കള്ള് കുടിയനാണെന്നും മകളെ വിശ്വസിപ്പിച്ചു;ഇപ്പോള്‍ എന്റെ കാര്യങ്ങള്‍ നോക്കുന്നത് ദത്ത് പുത്രി; കൊല്ലം തുളസി ജീവിതം പറയുമ്പോള്‍

ദിവസങ്ങള്‍ മുമ്പ് ആണ്‌ താന്‍ ഗാന്ധിഭവനിലെ അന്തേവാസിയാണെന്നും  ഓമനിച്ചു വളര്‍ത്തിയ മകള്‍ പോലും ഇന്ന് എനിക്ക് അന്യയാണെന്നും ഉള്ള വെളിപ്പെടുത്തല്‍ കൊല്ലം തുളസി നടത്തിയത്. പത്തനാപുരം ഗാന്ധിഭവനില്‍ നടത്തിയ പ്രസംഗത്തിലായിരുന്നു കൊല്ലം തുളസി ഇക്കാര്യം വെളിപ്പെടുത്തിയത്. ഇപ്പോള്‍ തന്റെ ജീവിതാനുഭവങ്ങള്‍ സിനിമദക്യുവിന് നല്കിയ അഭിമുഖത്തിലൂടെ ആണ് വെളിപ്പെടുത്തിയത്.

എന്റെ ജീവിതത്തില്‍ എല്ലാം ആകസ്മികമായാണ് സംഭവിക്കാറുള്ളത്. പത്തനാപുരം ഗാന്ധിഭവനിലേക്കും അങ്ങനൊരു ആകസ്മിക യാത്രയാണ് സംഭവിച്ചത്. നടി ലൈലി അമ്മയ്‌ക്കൊപ്പം ഗാന്ധിഭവനില്‍ ഇപ്പോള്‍ താമസിക്കുന്നുണ്ട്. അവരെ കണ്ടപ്പോഴാണ് ഞാന്‍ എന്നെ കുറിച്ച് ചിന്തിച്ചത്.
അമ്മയെ എവിടെ എങ്കിലും കൊണ്ടുപോയി കളഞ്ഞിട്ട് വരാനാണ് ലൈലിയോട് മക്കള്‍ പറഞ്ഞത്. എന്റെ കഥയും ഏകദേശം സമാനമാണ്. എന്റെ നല്ല കാലത്ത് എനിക്ക് പാകമല്ലാത്ത ഒരു ബെല്‍റ്റ് എടുത്ത് ഞാന്‍ ധരിച്ചു. അത് പിന്നീട് ഒരു ബുദ്ധിമുട്ടായി തോന്നി. അവര്‍ക്ക് എന്ന സഹിക്കാന്‍ പറ്റുന്നില്ലെന്ന് തോന്നിയതുകൊണ്ടാകാം. എന്റെ ഭാര്യയായ സ്ത്രീ എന്നെ ഉപേക്ഷിച്ച് പോയി.

എനിക്കുള്ള വിഷമം എന്റെ മകളെപ്പോലും എന്നില്‍ നിന്നും അകറ്റി എന്നതാണ്. എടുത്ത് പറയത്തക്ക ഒരു കുറ്റവും എന്നില്‍ ഞാന്‍ ഇതുവരെ കണ്ടിട്ടില്ല. കലാകാരന് സമൂഹത്തോട് പ്രതിബദ്ധതയുണ്ടെന്ന് വിശ്വസിക്കുന്നയാളാണ് ഞാന്‍. അതുകൊണ്ട് തന്നെ അത്തരം മൂല്യങ്ങള്‍ ഞാന്‍ ഉയര്‍ത്തിപ്പിടിക്കാറുണ്ട്. മാത്രമല്ല എന്റെ അച്ഛന്‍ ഒരു അധ്യാപകന്‍ കൂടിയാണ്. മരിക്കാന്‍ ഞാന്‍ എപ്പോഴും റെഡിയാണ്. പതിമൂന്ന് വര്‍ഷം മുമ്പാണ് എനിക്ക് കാന്‍സര്‍ വന്നത്.

പക്ഷെ ഒരു പോസിറ്റീവ് മൈന്റോടെയാണ് ഞാന്‍ എന്നും ജീവിക്കുന്നത്. കാന്‍സര്‍ വന്നശേഷം സാമ്പത്തിക ബുദ്ധിമുട്ട് അനുഭവിച്ച് ഞാന്‍ പാപ്പരായി. അന്ന് മകള്‍ക്ക് ബാംഗ്ലൂരില്‍ ജോലിയാണ്. കാന്‍സര്‍ ബാധിച്ച് ഞാന്‍ ചികിത്സയിലായിരുന്ന സമയത്താണ് ഭാര്യ എന്നോട് പറയാതെ ഇറങ്ങിപ്പോയത്. ജോലിക്കാരിയോട് മാത്രമെ പോവുകയാണെന്ന് പറഞ്ഞുള്ളു.

ചാവാന്‍ കിടക്കുന്ന അങ്ങേരെ ഞാന്‍ എന്തിന് കാണണം എന്നാണ് ജോലിക്കാരി ചോദിച്ചപ്പോള്‍ അവര്‍ നല്‍കിയ മറുപടി. മാനസീകമായ ഐക്യം ഞങ്ങള്‍ തമ്മില്‍ ഇല്ലായിരുന്നു. എന്റെ ആദ്യത്തെ കല്യാണം ആയിരുന്നു. അവരുടെ രണ്ടാം വിവാഹവും. ആ?ദ്യ ബന്ധത്തില്‍ അവര്‍ക്ക് രണ്ട് മക്കളുണ്ടായിരുന്നു. അവരുടെ മക്കളുടെ പെര്‍മിഷന്‍ ചോദിച്ചിട്ടാണ് ഞാന്‍ വിവാഹം കഴിച്ചത്. ആ പിള്ളേര്‍ക്കും എന്നെ ഇഷ്ടമായിരുന്നു. അന്ന് പോയശേഷം ഭാര്യ തിരിച്ച് വന്നില്ല

അതിന് മുമ്പ് മകളുടെ വിവാഹം ഞാന്‍ നടത്തിയിരുന്നു. ഞാന്‍ ആഭാസനാണ്, കള്ളുകുടിയനാണ്, പെണ്ണ് പിടിയനാണ് എന്നൊക്കെ ആ സ്ത്രീ എന്റെ മകളോട് പറഞ്ഞു. അമ്മ ഇങ്ങനൊക്കെ പറഞ്ഞാല്‍ മകള്‍ വിശ്വസിക്കും. പത്ത് മാസം ചുമന്ന് പ്രസവിച്ച കണക്കുണ്ടല്ലോ. ആ പത്ത് മാസത്തിനുശേഷം ബാക്കി എപ്പോഴും ചുമക്കുന്നത് അച്ഛന്മാരാണ്. പക്ഷെ ആ അച്ഛന്മാര്‍ക്ക് എങ്ങും പരി?ഗണനയില്ല. മക്കള്‍ പോലും ഓര്‍ക്കാറില്ല. ഞാന്‍ വിളിച്ചാല്‍ മോള് ഫോണ്‍ എടുക്കാറില്ല.

ഓമനിച്ച് നെഞ്ചത്തിട്ട് വളര്‍ത്തിയ മോളാണ്. ഞാന്‍ ആ പേജ് വലിച്ചുകീറി. അതുകൊണ്ട് എനിക്കിപ്പോള്‍ സങ്കടമില്ല. രണ്ടാംകെട്ടുകാരിയെ വിവാ?ഹം കഴിക്കാന്‍ പോവുകയാണെന്ന് ആരെങ്കിലും എന്നോട് പറഞ്ഞാല്‍ ചെയ്യരുതെന്നാണ് ഞാന്‍ പറയാറ്. കാരണം എന്റെ അനുഭവം അതാണ്. അനാഥത്വം ഫീല്‍ ചെയ്തപ്പോഴാണ് ഗാന്ധിഭവനിലേക്ക് പോയത്. പിന്നെ കാന്‍സര്‍ വന്നശേഷം എന്നെ ആരും സിനിമയിലേക്ക് വിളിക്കാറുമില്ല.

ഷൂട്ടിന് ഇടയില്‍ ഞാന്‍ മരിച്ചുപോയാലോയെന്നാണ് അവര്‍ ചിന്തിക്കുന്നത്. ആറ് മാസത്തോളം ഗാന്ധിഭവനിന്‍ താമസിച്ചു. എന്നെ നോക്കാന്‍ ഇപ്പോള്‍ ഒരു കുട്ടിയുണ്ട്. എന്റെ ദത്ത്പുത്രിയാണ്. അനാഥകുട്ടിയാണ്. ഏഴ് വര്‍ഷമായി. അത് എന്നെ പൊന്നുപോലെയാണ് നോക്കുന്നത്. ഞാന്‍ മരിച്ചാല്‍ അവള്‍ക്ക് വേണ്ടിയുള്ളത് ഞാന്‍ കരുതിയിട്ടുണ്ട്. നല്ലോണം പാചകം ചെയ്യുമെന്നും ജീവിതകഥ വിവരിച്ച് കൊല്ലം തുളസി പറഞ്ഞു.