താരസംഘടനയായ 'അമ്മ'യിലെ ആഭ്യന്തര കലഹം ഭരണസമതിയുടെ രാജിയില് കലാശിച്ചതോടെ പ്രതികരണവുമായി അംഗങ്ങള് രംഗത്തെത്തി. ഭരണസമിതിയിലെ ആഭ്യന്തര ഭിന്നതകളെത്തുടര്ന്ന് അധ്യക്ഷസ്ഥാനത്തുനിന്നും നടി ശ്വേതാ മേനോന് രാജിവെച്ച നടപടി തികച്ചും വൈകാരികമായ തീരുമാനമാണെന്ന വിലയിരുത്തലുകള് പുറത്തുവരുന്നു. ജനറല് ബോഡി മീറ്റിങ്ങിലെ കണക്ക് അവതരണം വലിയ തര്ക്കങ്ങള്ക്ക് വഴിവച്ചതിന് പിന്നാലെ ശ്വേത മേനോന് അടങ്ങുന്ന ഭരണ സമിതി രാജിവച്ചിരിക്കുകയാണ് ഇപ്പോള്. ഏറെ നേരം നീണ്ട തര്ക്കങ്ങള്ക്ക് ഒടുവിലാണ് നാടകീയ രംഗങ്ങള്.
ശ്വേതയ്ക്ക് പകരം ഭരണസമിതിയിലെ മറ്റുള്ളവരായിരുന്നു രാജി വയ്ക്കേണ്ടിയിരുന്നതെന്ന് പറയുകയാണ് നടി മല്ലിക സുകുമാരന്. സ്ത്രീകള്ക്ക് നിലനില്ക്കാന് കഴിയാത്ത സംഘടനയായി അമ്മ മാറിയിട്ടില്ല. സ്ത്രീകള്, സ്ത്രീകളായിട്ട് പെരുമാറണം. അപ്പോള് നിലനില്ക്കുമെന്നും മല്ലിക പറയുന്നു. വിഷയത്തില് സീനിയര് നടന്മാര് ഇടപെടണമെന്നും അവര് മൗനം പാലിച്ചിട്ട് കാര്യമില്ലെന്നും മല്ലിക കൂട്ടിച്ചേര്ത്തു.
മല്ലികയുടെ വാക്കുകള് ഇങ്ങനെ: ശ്വേത മേനോന് അംഗത്വം രാജി വെച്ചെന്നത് ഇപ്പോഴാണ് ഞാന് അറിയുന്നത്. കുറേ പതിര് കറക്കേണ്ടി വരും മോനെ. വാര്ഷിക കണക്ക് പാസാക്കാന് പറ്റിയില്ല എന്നത് വാസ്തവമാണ്. അതിന്റെ കുറ്റബോധം ശ്വേതയ്ക്കുണ്ട്. ഒരുപാട് ആരോപണങ്ങള് വന്നപ്പോള് ശ്വേതയ്ക്ക്, ഞാന് ചെയ്യാത്ത തെറ്റിന് കൂടി കേള്ക്കേണ്ടി വരുന്നല്ലോ എന്നത് ഉണ്ടായി. സംഘടനയിലെ മറ്റ് പെണ്ണുങ്ങളെല്ലാം തെറ്റ് ചെയ്തവര് തന്നെയാണ്. ശ്വേതയ്ക്ക് പകരം മറ്റുള്ളവരായിരുന്നു രാജി വച്ച് കാണിക്കേണ്ടിയിരുന്നത്.
ഞങ്ങള്ക്ക് തെറ്റ് പറ്റി ക്ഷമിക്കണമെന്ന് പറഞ്ഞ്. അവരാരും ചെയ്തില്ല. പകരം ശ്വേത ചെയ്തു. സ്ത്രീകള്ക്ക് നിലനില്ക്കാന് കഴിയാത്ത സംഘടനയായി അമ്മ മാറിയിട്ടില്ല. സ്ത്രീകള്, സ്ത്രീകളായിട്ട് പെരുമാറണം. അപ്പോള് നിലനില്ക്കും. അതിന് വഴിവച്ച് കൊടുത്ത തിരശീലയ്ക്ക് മുന്നിലും പിന്നിലും പ്രവര്ത്തിച്ചവരുണ്ടാകും. കണക്കിലെ പൊരുത്തക്കേടാണ് ശ്വേതയ്ക്ക് വല്ലായ്മ ഉണ്ടാക്കിയത്. ജനറല് സെക്രട്ടറിക്കും, ഖജാന്ജിയ്ക്കും അല്ലെ കണക്കിന്റെ ഉത്തരവാദിത്വം. അതാണ് സത്യം. സെക്രട്ടറിയും ട്രഷററിയും ഒക്കെ ആണ് കണക്ക് ശരിയായില്ലെന്ന് പറയുമ്പോള് രാജിവയ്ക്കേണ്ടത്. പക്ഷേ അവര് മിണ്ടാതിരുന്നപ്പോള്, താന് ഒട്ടിപ്പിടിച്ചിരിക്കേണ്ടെന്ന് ശ്വേതയ്ക്ക് തോന്നിയിട്ടുണ്ടാകും.
ഭരണ സമിതിയ്ക്ക് ഒരുപാട് തെറ്റുകളൊക്കെ പറ്റിയിട്ടുണ്ട്. ഈ പ്രദേശത്തോട്ട് തിരിഞ്ഞ് നോക്കാത്ത എന്നില് നിന്നുമാണ് തുടങ്ങുന്നത്. മല്ലിക ചേച്ചി ലൂസ് ടോക്കര് എന്ന് കുക്കുപരമേശ്വരന് പറഞ്ഞു. എന്തടിസ്ഥാനത്തിലാണ് കുക്കു അത് പറഞ്ഞത്. കാണാതെ, കേള്ക്കാതെ അഭിപ്രായങ്ങള് പറഞ്ഞ് എല്ലാവരും തമ്മില് സ്വരചേര്ച്ച ഇല്ലാതായി. അവര് എന്ത് പറഞ്ഞാലും എനിക്ക് കുഴപ്പമില്ല. തുള്ളാനുള്ള പ്രായമൊക്കെ എനിക്ക് കഴിഞ്ഞു. കാര്യങ്ങള് പഠിച്ച് സംസാരിക്കുന്ന, വിവരമുള്ള, ചലച്ചിത്ര ലോകത്തെ പറ്റി ആധികാരികമായിട്ട് നല്ല ഭാഷയില് സംസാരിക്കാന് അറിയാവുന്നവര് ഭരണ സമിതിയില് വരണം. അക്കൂട്ടത്തില് പെണ്ണുങ്ങള് വളരെ കുറവാണ്. ഇല്ലെന്ന് തന്നെ പറയണം.
സീനിയേഴ്സായിട്ടുള്ള നടന്മാര് വിഷയത്തില് ഇടപെടണം. അവര് മൗനം പാലിച്ചിട്ട് കാര്യമില്ല. സംഘടന നിലനില്ക്കണമെങ്കില് നന്നായിട്ട് നയിക്കണം. നന്നായിട്ട് നയിക്കുന്നവരോട് ശത്രുതാമനോഭാവം വച്ചു പുലര്ത്തുന്ന പെണ്ണുങ്ങളെ ഏഴയലത്ത് അടുപ്പിക്കരുത്. സംഘടനയുടെ അക്കൗണ്ടുകളിലും സാമ്പത്തിക ഇടപാടുകളിലും വന്ന ചില പൊരുത്തക്കേടുകളാണ് ശ്വേതയെ പെട്ടെന്നുള്ള രാജിവെക്കലിലേക്ക് നയിച്ചഹറ. സാമ്പത്തിക കാര്യങ്ങളില് വ്യക്തത വരുത്തേണ്ട പ്രാഥമിക ഉത്തരവാദിത്തം സംഘടനയുടെ സെക്രട്ടറിക്കും ട്രഷറര്ക്കുമാണെന്നിരിക്കെ, അനാവശ്യമായ സമ്മര്ദ്ദങ്ങള് അധ്യക്ഷയ്ക്ക് മേല് ഉണ്ടായതായും പറയപ്പെടുന്നു.
തുടര്ച്ചയായ വിവാദങ്ങള്ക്കിടയിലും സാധാരണക്കാരായ കലാകാരന്മാര്ക്ക് നല്കിവരുന്ന കൈനീട്ടമടക്കമുള്ള ആനുകൂല്യങ്ങള് മുടങ്ങരുതെന്ന ആവശ്യത്തിനാണ് ഇപ്പോള് മുന്ഗണന. സംഘടനയെ കൃത്യമായ ലക്ഷ്യബോധത്തോടെ മുന്നോട്ട് നയിക്കാന് സാധിക്കുന്ന അര്ഹരായ വ്യക്തികള് നേതൃത്വത്തിലേക്ക് വരണമെന്ന നിലപാടിലാണ് ഭൂരിഭാഗം അംഗങ്ങളും.
Premium Lifestyle and Entertainment website
'എന്റെ അവസ്ഥ കുറച്ച് സീരിയസാണ്, എനിക്കായി പ്രാര്ഥിച്ചില്ലെങ്കിലും എന്റെ കുഞ്ഞിന്റെ അമ്മയ്ക്കു വേണ്ടി പ്രാര്ഥിക്കണം'! ആദ്യ കീമോയ്ക്ക് പിന്നാലെ കട്ടിലില് നിന്ന് എഴുന്നേല്ക്കാന് പോലുമാകാതെ രേണു സുധി; ജോലി രാജി വെച്ച് അരികിലിരുന്ന് ഭക്ഷണം വാരി നല്കി പ്രിയപ്പെട്ട ചേച്ചി; തന്നെ ജീവനോടെ കൊല്ലരുതെന്നും തന്റെ പേരില് ആരും പണം പിരിക്കരുതെന്നും അഭ്യര്ഥന