തെലുങ്ക് യുവതാരം തേജ സജ്ജയെ നായകനാക്കി കാര്‍ത്തിക് ഘട്ടമനേനി സംവിധാനം ചെയ്ത 'മിറൈ' യിലെ ആദ്യ ഗാനം ജൂലൈ 26 ന്. 'വൈബ് ഉണ്ട് ബേബി' എന്ന ടൈറ്റിലോടെ പുറത്തു വരുന്ന ഈ ഗാനത്തോടെ ചിത്രത്തിന്റെ മ്യൂസിക്കല്‍ പ്രമോഷന്‍ പരിപാടികള്‍ ആരംഭിക്കും. 2025 സെപ്റ്റംബര്‍ അഞ്ചിനാണ് ചിത്രത്തിന്റെ ആഗോള റിലീസ്. ഹനു-മാന്‍ എന്ന ചിത്രത്തിന്റെ വമ്പന്‍ വിജയത്തിന് ശേഷം വീണ്ടുമൊരു പാന്‍-ഇന്ത്യ ആക്ഷന്‍-സാഹസിക സിനിമയില്‍ നായകനായി എത്തുകയാണ് തേജ സജ്ജ. പീപ്പിള്‍ മീഡിയ ഫാക്ടറിയുടെ ബാനറില്‍ ടി ജി വിശ്വ പ്രസാദും കൃതി പ്രസാദും ചേര്‍ന്നാണ് ചിത്രം നിര്‍മ്മിക്കുന്നത്. ചിത്രത്തിലെ പ്രധാന ജോഡികളായ തേജ സജ്ജയും റിതിക നായിക്കും തമ്മിലുള്ള മനോഹരമായ ഓണ്‍സ്‌ക്രീന്‍ രസതന്ത്രം പ്രദര്‍ശിപ്പിക്കുന്ന ഒരു ഗാനമായിരിക്കും ജൂലൈ 26 ന് പുറത്തു വരുന്ന 'വൈബ് ഉണ്ട് ബേബി'.
ഗാനത്തിന്റെ റിലീസ് പ്രഖ്യാപിച്ചു കൊണ്ട് പുറത്തു വിട്ട പോസ്റ്ററില്‍ വളരെ സ്‌റ്റൈലിഷ് മാസ്സ് ലുക്കിലാണ് തേജ സജ്ജയെ അവതരിപ്പിച്ചിരിക്കുന്നത്. നായികാ റിതികയെയും ഏറെ മനോഹരിയായാണ് പോസ്റ്ററില്‍ അവതരിപ്പിക്കുന്നത്. ചിത്രത്തിന്റെ കഥ നടക്കുന്ന വിസ്മയകരമായ പുരാണ- ഫാന്റസി ലോകത്തിന്റെ ഫീല്‍ പ്രേക്ഷകരിലേക്ക് പകരുന്ന രീതിയിലാണ് പോസ്റ്റര്‍ ഒരുക്കിയിരിക്കുന്നത്. നേരത്തെ പുറത്ത് വന്ന ചിത്രത്തിന്റെ ആദ്യ ടീസര്‍ രാജ്യവ്യാപകമായി മികച്ച പ്രേക്ഷക ശ്രദ്ധ നേടിയിരുന്നു. ഒരു സൂപ്പര്‍ യോദ്ധാവായാണ് തേജ സജ്ജ ഈ ചിത്രത്തില്‍ വേഷമിടുന്നത്. ആഗോള നിര്‍മ്മാണ നിലവാരവുമായി ചേര്‍ന്ന് നില്‍ക്കുന്ന ഒരു പ്രോജക്റ്റിനെ സൂചിപ്പിക്കുന്ന, അതിശയകരമായ ദൃശ്യങ്ങളും സിനിമാറ്റിക് സ്‌കെയിലും ഇതിന്റെ ടീസര്‍ പ്രദര്‍ശിപ്പിച്ചിരുന്നു. വിഎഫ്എക്‌സ് ഷോട്ടുകളുടെ എണ്ണത്തില്‍ ചിത്രം റെക്കോര്‍ഡ് സൃഷ്ടിക്കുമെന്നാണ് വിവരം.
സെപ്റ്റംബര്‍ 5 ന് 8 വ്യത്യസ്ത ഭാഷകളില്‍ 2D, 3D ഫോര്‍മാറ്റുകളില്‍ ചിത്രം ലോകമെമ്പാടും റിലീസ് ചെയ്യും. ആക്ഷന്‍, ഫാന്റസി, മിത്ത് എന്നിവ കോര്‍ത്തിണക്കിയാണ് ചിത്രം കഥ പറയുന്നത്. ഗംഭീര ആക്ഷന്‍ രംഗങ്ങളും വിഎഫ്എക്‌സ് രംഗങ്ങളും ആണ് ചിത്രത്തിന്റെ ഹൈലൈറ്റ് എന്ന് ടീസര്‍ വ്യക്തമാക്കിയിരുന്നു. മനോജ് മഞ്ചു ആണ് ചിത്രത്തിലെ വില്ലനായി എത്തുന്നത്. ശ്രിയ ശരണ്‍, ജയറാം, ജഗപതി ബാബു, രാജേന്ദ്രനാഥ് സ്യൂച്ഷി, പവന്‍ ചോപ്ര, തന്‍ജ കെല്ലര്‍ എന്നിവരാണ് ചിത്രത്തിലെ മറ്റ് പ്രധാന താരങ്ങള്‍.
കാര്‍ത്തിക് ഘട്ടമനേനിയുടെ വിദഗ്ധമായ സംവിധാനത്തില്‍ ഒരു വമ്പന്‍ സിനിമാനുഭവമായി ആണ് 'മിറൈ' ഒരുങ്ങുന്നത്. സംവിധായകന്‍ തന്നെ രചിച്ച ചിത്രത്തിന് കാമറ ചലിപ്പിക്കുന്നതും അദ്ദേഹം തന്നെയാണ്. രചനയിലും സംഭാഷണത്തിലും മണിബാബു കരണവും പങ്കാളിയാണ്. കാര്‍ത്തികേയ 2, ജാട്ട് തുടങ്ങിയ ബ്ലോക്ക്ബസ്റ്ററുകള്‍ക്ക് പിന്നിലെ സൃഷ്ടിപരമായ ശക്തിയായ പീപ്പിള്‍ മീഡിയ ഫാക്ടറി നിര്‍മ്മിക്കുന്ന 'മിറൈ', ഈ സ്റ്റുഡിയോയുടെ പാന്‍-ഇന്ത്യ യാത്രയിലെ ധീരമായ ഒരു ചുവടുവെപ്പിനെ പ്രതിനിധീകരിക്കുന്നു.
സംവിധാനം, തിരക്കഥ: കാര്‍ത്തിക് ഘട്ടമനേനി, നിര്‍മ്മാതാക്കള്‍: ടിജി വിശ്വ പ്രസാദ് & കൃതി പ്രസാദ്, ബാനര്‍: പീപ്പിള്‍ മീഡിയ ഫാക്ടറി, സഹനിര്‍മ്മാതാവ്: വിവേക് കുച്ചിഭോട്‌ല, എക്സിക്യൂട്ടീവ് പ്രൊഡ്യൂസര്‍: സുജിത്ത് കുമാര്‍ കൊല്ലി, ചീഫ് കോ-ഓര്‍ഡിനേറ്റര്‍: മേഘശ്യാം, ഛായാഗ്രഹണം: കാര്‍ത്തിക് ഘട്ടമനേനി, സംഗീതം: ഗൗര ഹരി, കലാസംവിധാനം: ശ്രീ നാഗേന്ദ്ര തങ്കാല, രചന: മണിബാബു കരണം, മാര്‍ക്കറ്റിംഗ്- ഹാഷ്ടാഗ് മീഡിയ, പിആര്‍ഒ: ശബരി
Premium Lifestyle and Entertainment website
മക്കള്‍ നിങ്ങളോട് ദേഷ്യപ്പെടാറുണ്ടോ? എങ്കില്‍ ഈ മാര്‍ഗങ്ങള്‍ ഒന്ന് പരീക്ഷിച്ച് നോക്കു
സുബ്രഹ്‌മണ്യ അഷ്ടോത്തരം എന്നും ജപിക്കുന്നവരാണോ നിങ്ങള്‍? എങ്കില്‍ ദാമ്പത്യ പ്രശ്‌നവും ദോഷവും മാറിക്കിട്ടും
വീട്ടില്‍ ഇവി ചാര്‍ജിങ് ഉണ്ടോ? എങ്കില്‍ ഇക്കാര്യം ശ്രദ്ധിക്കുക
കര്‍ക്കടകത്തില്‍ ഒരു സ്‌പെഷ്യല്‍ ചായ; ടര്‍മറിക് ജിഞ്ചര്‍ ടീ തയാറാക്കാം
മഴയത്ത് മുടി അഴിഞ്ഞ് ഇടാറുണ്ടോ? എങ്കില്‍ പണി കിട്ടും
പാസ്‌പോര്‍ട്ട് പുതുക്കാന്‍ ഇനി വളരെ എളുപ്പം; ഇക്കാര്യങ്ങള്‍ ശ്രദ്ധിച്ചാല്‍ മതി