ഇന്ത്യന്‍ ചലച്ചിത്ര ലോകത്തെ പരമോന്നത ബഹുമതിയായ ദാദാസാഹിബ് ഫാല്‍ക്കെ പുരസ്‌കാരം മലയാളത്തിന്റെ അഭിമാനമായ നടന്‍ മോഹന്‍ ലാലിന്. 2023ലെ പുരസ്‌കാരമാണ് മോഹന്‍ ലാലിന് ലഭിക്കുന്നത്. ഇന്ത്യന്‍ സിനിമയ്ക്ക് നല്‍കിയ സമഗ്ര സംഭാവനയ്ക്കാണ് പുരസ്‌കാരം.
തലമുറകളെ പ്രചോദിപ്പിക്കുന്നതാണ് മോഹന്‍ലാലിന്റെ സിനിമായാത്രകളെന്ന് പുരസ്‌കാര വാര്‍ത്ത പുറത്തുവിട്ടുകൊണ്ടുള്ള കുറിപ്പില്‍ പറയുന്നു. നടനും സംവിധായകനും നിര്‍മാതാവുമായ മോഹന്‍ലാലിനെ ആദരിക്കുന്നുവെന്നും അദ്ദേഹത്തിന്റെ അതുല്യമായ പ്രതിഭ, വൈദഗ്ധ്യം, കഠിനാധ്വാനം തുടങ്ങിയവ ഇന്ത്യന്‍ സിനിമാ ചരിത്രത്തില്‍ സുവര്‍ണസ്ഥാനം നേടിയെന്നും കുറിപ്പിലുണ്ട്.
2025 സെപ്തംബര്‍ 23-ന് നടക്കുന്ന എഴുപത്തിയൊന്നാമത് നാഷണല്‍ ഫിലിം അവാര്‍ഡ്സില്‍ വച്ച് പുരസ്‌കാരം വിതരണം ചെയ്യും. കഴിഞ്ഞവര്‍ഷത്തെ ദാദാ സാഹേബ് ഫാല്‍ക്കെ പുരസ്‌കാരം ബോളിവുഡ് നടന്‍ മിഥുന്‍ ചക്രവര്‍ത്തിക്കായിരുന്നു. സംവിധായകന്‍ അടൂര്‍ ഗോപാലകൃഷ്ണനാണ് ഇതിന് മുമ്പ് ഫാല്‍ക്കെ പുരസ്‌കാരം ലഭിച്ച മലയാളി. 2004 ലാണ് അദ്ദേഹത്തിന് പുരസ്‌കാരം ലഭിച്ചത്.
രാജ്യത്തെ പ്രഥമ സമ്പൂര്‍ണ ഫീച്ചര്‍സിനിമയായ രാജ ഹരിശ്ചന്ദ്രയുടെ സംവിധായകനായ ദാദാ സാഹേബ് ഫാല്‍ക്കെയുടെ സ്മരണ നിലനിര്‍ത്താന്‍ കേന്ദ്രസര്‍ക്കാര്‍ 1969-ല്‍ ഏര്‍പ്പെടുത്തിയതാണ് പുരസ്‌കാരം. ഡയറക്ടറേറ്റ് ഓഫ് ഫിലിം ഫെസ്റ്റിവല്‍ വര്‍ഷം തോറും ദേശീയ ചലച്ചിത്ര പുരസ്‌കാര ചടങ്ങിലാണ് സമ്മാനിക്കുന്നത്.
Premium Lifestyle and Entertainment website
രക്തസമ്മര്‍ദ്ദം കൂടാന്‍ കാരണമാകുന്ന ഭക്ഷണങ്ങള്‍
മുംബൈ സ്‌റ്റൈല്‍ പാവ് ബജി ഉണ്ടാക്കിയാലോ 
പുറത്തേക്ക് ഇറങ്ങിയാല്‍ ടാന്‍ പ്രശ്‌നം; ചെയ്ത് നോക്കാം ഈ പൊടികൈകള്‍
വീടിനോട് ചേര്‍ന്ന് കാര്‍ പോര്‍ച്ച് നിര്‍മിക്കുന്ന രീതിയില്‍ മാറ്റം; ഇപ്പോള്‍ ട്രെന്‍സ് പീഫാബ്രിക്കേറ്റഡ് കാര്‍ പോര്‍ച്ചുകള്‍
മെറ്റാ അവതരിപ്പിച്ച റേ-ബാന്‍ ഡിസ്പ്ലേ: സ്മാര്‍ട്ട്‌ഫോണില്ലാത്ത ലോകത്തിലേക്കുളള പുതിയ ചുവടുവയ്പ്പ്