നടി ശോഭിത ധൂലിപാലയുമായുള്ള പ്രണയബന്ധം ആരംഭിച്ചതിനെക്കുറിച്ച് ആദ്യമായി തുറന്നുപറഞ്ഞ് നാഗചൈതന്യ. ജഗപതി ബാബുവിന്റെ 'ജയമ്മു നിശ്ചയമ്മുരാ' എന്ന ടോക്ക് ഷോയില്‍ അതിഥിയായി എത്തിയപ്പോഴാണ് അദ്ദേഹം ഈ വെളിപ്പെടുത്തല്‍ നടത്തിയത്. വിവാഹബന്ധം വേര്‍പിരിഞ്ഞതിന് ശേഷം നാഗചൈതന്യയും ശോഭിതയും പ്രണയത്തിലായതായാണ് റിപ്പോര്‍ട്ടുകള്‍.
'ഞങ്ങള്‍ ഇന്‍സ്റ്റഗ്രാമിലാണ് ആദ്യമായി പരിചയപ്പെടുന്നത്. എന്റെ പങ്കാളിയെ അവിടെ വച്ച് കണ്ടുമുട്ടുമെന്ന് ഞാന്‍ ഒരിക്കലും കരുതിയിരുന്നില്ല,' നാഗചൈതന്യ പറഞ്ഞു. 'അവളുടെ വര്‍ക്കുകളെക്കുറിച്ച് എനിക്ക് അറിയാമായിരുന്നു. ഒരുദിവസം ഞാന്‍ ക്ലൗഡ് കിച്ചണ്‍ ഷോയെക്കുറിച്ച് ഒരു പോസ്റ്റ് പങ്കിട്ടപ്പോള്‍ ശോഭിത ഒരു ഇമോജി കമന്റ് ചെയ്തു. അങ്ങനെയാണ് ഞാന്‍ അവളുമായി ചാറ്റ് ചെയ്യാന്‍ തുടങ്ങിയത്. അതിനുശേഷം ഞങ്ങള്‍ കണ്ടുമുട്ടി,' അദ്ദേഹം കൂട്ടിച്ചേര്‍ത്തു.
ബോളിവുഡ് താരമായ ശോഭിത ധൂലിപാല മലയാള സിനിമാ പ്രേക്ഷകര്‍ക്കും സുപരിചിതയാണ്. ഗീതു മോഹന്‍ദാസ് സംവിധാനം ചെയ്ത 'മൂത്തോന്‍' എന്ന ചിത്രത്തിലൂടെയാണ് അവര്‍ മലയാളത്തില്‍ അരങ്ങേറ്റം കുറിച്ചത്. പിന്നീട് ദുല്‍ഖര്‍ സല്‍മാന്‍ നായകനായ 'കുറുപ്പ്' എന്ന ചിത്രത്തില്‍ താരം അഭിനയിച്ചിരുന്നു. 2017ല്‍ നാഗചൈതന്യ നടി സാമന്തയെ വിവാഹം കഴിക്കുകയും 2021ല്‍ ഇരുവരും വേര്‍പിരിയുകയും ചെയ്തിരുന്നു. ഇതിനുശേഷമാണ് നാഗചൈതന്യയും ശോഭിതയും പ്രണയത്തിലായത്.
Premium Lifestyle and Entertainment website
വരണ്ട ചുണ്ടുകള്‍ക്ക് പരിഹാരം: വീട്ടില്‍തന്നെ ചെയ്യാം ഈ ലളിത മാര്‍ഗങ്ങള്‍
5ജി സേവനത്തിനായി തയ്യാറെടുത്ത് ബിഎസ്എന്‍എല്‍; ആറ് മുതല്‍ എട്ട് മാസത്തിനുള്ളില്‍ തന്നെ രാജ്യത്തെ ബിഎസ്എന്‍എല്‍ ടവറുകള്‍ 5ജി നെറ്റ്വര്‍ക്കിലേക്ക് മാറും
വിമാനത്താവളങ്ങളിലെ സൗകര്യങ്ങളും അന്തരീക്ഷവും ഒരു യാത്രയുടെ രസം തന്നെ മാറ്റിമറിക്കും; ഇതാ അത്തരത്തിലുള്ള എയര്‍പോര്‍ട്ടുകള്‍