മലയാള സിനിമയിലെ സൂപ്പര്‍ താരം നടന്‍ ഉണ്ണി മുകുന്ദന്റെ ഇന്‍സ്റ്റാഗ്രാം അക്കൗണ്ട് ഹാക്ക് ചെയ്തു. തന്റെ പേജ് ഹാക്ക് ചെയ്യപ്പെട്ടെന്നും അതില്‍ നിന്ന് പുതിയതായി വരുന്ന പോസ്റ്റുകള്‍ തന്റേതല്ലെന്നും ഉണ്ണി മുകുന്ദന്‍ ഫെയ്‌സ്ബുക്കിലൂടെ ആരാധകര്‍ക്ക് മുന്നറിയിപ്പ് നല്‍കി. തന്റെ അക്കൗണ്ടില്‍ നിന്ന് വരുന്ന ഏതെങ്കിലും സംശയാസ്പദമായ ലിങ്കുകളില്‍ ക്ലിക്ക് ചെയ്യുകയോ വ്യക്തിഗത വിവരങ്ങള്‍ പങ്കിടുകയോ ചെയ്യരുതെന്നും ഉണ്ണി മുകുന്ദന്‍ ഫെയ്‌സ്ബുക്കിലൂടെ വ്യക്തമാക്കി.
പ്രശ്നം പരിഹരിക്കാന്‍ ഉള്ള ശ്രമം നടക്കുകയാണെന്നും തുടര്‍ന്നുള്ള വിവരങ്ങള്‍ എല്ലാവരെയും അറിയിക്കുമെന്നും നടന്‍ വ്യക്തമാക്കി. അതുപോലെ 'ഉണ്ണി മുകുന്ദന്‍ ഫിലിംസ്' എന്ന പേരിലുള്ള നിര്‍മാണ കമ്പനിയുടെ പേജും ഹാക്ക് ചെയ്യപ്പെട്ടതായി താരം അറിയിച്ചു. 'ഐ ആം ഉണ്ണി മുകുന്ദന്‍' എന്ന പേരിലാണ് താരത്തിന്റെ ഔദ്യോഗിക ഇന്‍സ്റ്റഗ്രാം പേജ് ഉള്ളത്. 2.9 ദശലക്ഷം ഫോളോവേഴ്‌സ് ഉള്ള പേജാണ് ഇത്. 'ഗെറ്റ് സെറ്റ് ബേബി' ആണ് താരത്തിന്റെ ഒടുവില്‍ ഇറങ്ങിയ ചിത്രം.
അതേസമയം, മുന്‍ മാനേജര്‍ നല്‍കിയ പരാതിയില്‍ നടന്‍ ഉണ്ണി മുകുന്ദനെതിരെ കേസെടുത്തത് വലിയ വിവാദത്തിന് വഴി തെളിയിച്ചിരുന്നു. തന്നെ മര്‍ദ്ദിച്ചെന്ന് കാണിച്ച് കോട്ടയം ചങ്ങനാശ്ശേരി സ്വദേശിയായ വിപിന്‍ കുമാര്‍ എന്നയാള്‍ നല്‍കിയ പരാതിയിലാണ് പോലീസ് കേസ് എടുത്തത്. വിപിനെ ഉണ്ണി മുകുന്ദന്‍ കരണത്തടിച്ചെന്നും കൊല്ലുമെന്ന് ഭീഷണിപ്പെടുത്തിയതായും എഫ്‌ഐആറില്‍ ഉണ്ടായിരുന്നു. വിപിന്‍ ഉണ്ണി മുകുന്ദനെതിരെ പോലീസിനെ സമീപിച്ചത്. മാര്‍ക്കോ എന്ന വലിയ വിജയം നേടിയ ചിത്രത്തിനുശേഷം ഉണ്ണി മുകുന്ദന്‍ നായകനായി വന്ന ?ഗെറ്റ് സെറ്റ് ബേബി വന്‍ പരാജയമായി മാറിയെന്നും അന്നുമുതല്‍ അദ്ദേഹം മാനസികമായി വലിയ നിരാശയിലാണെന്നും വിപിന്‍ പരാതിയില്‍ പറഞ്ഞു.
ആ ചിത്രത്തിന്റെ അണിയറപ്രവര്‍ത്തകരുമായി ഉണ്ണി മുകുന്ദന്‍ അസ്വാരസ്യത്തിലാണ്. ഉണ്ണി മുകുന്ദന്‍ സംവിധാനം ചെയ്യാനിരുന്ന ചിത്രത്തില്‍നിന്ന് നിര്‍മാതാക്കളായ ശ്രീ?ഗോകുലം മൂവീസ് പിന്മാറി. ഇത് താരത്തിന് വലിയ ഷോക്കായെന്നും പരാതിയില്‍ ഉണ്ടായിരിന്നു.
Premium Lifestyle and Entertainment website
കോട്ടയത്തിന്റെ സ്വന്തം 'മിനി ഗ്യാപ് റോഡ്'
വീട്ടില്‍ തേനുണ്ടോ; ഇങ്ങനെ പരീക്ഷിച്ചു നോക്കൂ; മുഖം വെട്ടിതിളങ്ങും