വൃക്ക തകരാറിലാണോ? ഈ ലക്ഷണങ്ങള്‍ പറയും

വൃക്ക മനുഷ്യശരീരത്തിലെ ഏറ്റവും പ്രധാനപ്പെട്ട അവയവങ്ങളിലൊന്നാണ്. രക്തം ശുദ്ധീകരിച്ച് മാലിന്യങ്ങളും അധിക ലവണങ്ങളും പുറത്താക്കുന്ന പ്രധാന ചുമതല വൃക്കകള്‍ക്കാണ്. എന്നാല്‍ പല കാരണങ്ങളാല്‍ വൃക്കയുടെ പ്രവര്‍ത്തനം കുറയുകയോ തകരാറിലാകുകയോ ചെയ്യാം. അതിന് മുന്‍കൂട്ടി ശ്രദ്ധിക്കേണ്ട ചില ലക്ഷണങ്ങള്‍ ഉണ്ട്.

മുഖത്ത് വീക്കം
മുഖം അനാവശ്യമായി വീര്‍ക്കുന്നത് ചിലപ്പോള്‍ വൃക്ക പ്രവര്‍ത്തനം കുറയുന്നതിന്റെ സൂചനയായിരിക്കും.

മൂത്രത്തില്‍ മാറ്റങ്ങള്‍
മൂത്രത്തിന്റെ നിറം അസാധാരണമാകുക, പതയുക, അളവ് കൂടുകയോ കുറയുകയോ ചെയ്യുക തുടങ്ങിയ കാര്യങ്ങള്‍ വൃക്കയില്‍ പ്രശ്നങ്ങളുണ്ടെന്ന് കാണിക്കുന്ന ലക്ഷണങ്ങളാണ്.

രാത്രികാല മൂത്രമൊഴിക്കല്‍
രാത്രിയില്‍ പല തവണയും എഴുന്നേറ്റ് മൂത്രമൊഴിക്കേണ്ടിവരുന്നത് സാധാരണ സംഭവമല്ല. ഇത് വൃക്ക തകരാറിന്റെ പ്രാരംഭ മുന്നറിയിപ്പാകാം.

ചര്‍മ്മത്തിലെ പ്രശ്നങ്ങള്‍
വൃക്കയുടെ പ്രവര്‍ത്തനം തടസ്സപ്പെട്ടാല്‍ ശരീരത്തില്‍ വിഷാംശങ്ങള്‍ അടിഞ്ഞുകൂടും. ഇതിന്റെ പ്രതിഫലമായി ചര്‍മ്മം വരണ്ടതാകുകയും ചൊറിച്ചില്‍ അനുഭവപ്പെടുകയും ചെയ്യാം.

വായില്‍ ദുര്‍ഗന്ധം
ചിലരില്‍ വൃക്ക തകരാറിന്റെ ഭാഗമായി വായില്‍ ദുര്‍ഗന്ധം (വായ്നാറ്റം) ഉണ്ടാകാം.

ശരീരത്തില്‍ നീര് പിടിത്തം
കാലുകള്‍, കൈകള്‍, കണ്ണിന് കീഴില്‍ എന്നിവിടങ്ങളില്‍ വീക്കം അനുഭവപ്പെടുന്നത് വൃക്ക പ്രവര്‍ത്തനം കുറയുന്നതിന്റെ മറ്റൊരു ലക്ഷണമാണ്.

വേദനയും അസ്വസ്ഥതകളും
അടിവയറിലും പുറകുവശങ്ങളിലും വേദന, ചിലപ്പോള്‍ ഓക്കാനം, ചര്‍ദ്ദി മുതലായ പ്രശ്നങ്ങളും അനുഭവപ്പെടാം.

അമിത ക്ഷീണം
വൃക്ക പ്രവര്‍ത്തനം ശരിയായി നടക്കാത്തതിനാല്‍ ശരീരത്തിലെ ഊര്‍ജ്ജം കുറഞ്ഞു തളര്‍ച്ചയും ക്ഷീണവും അനുഭവപ്പെടാം. ഈ ലക്ഷണങ്ങളില്‍ ഏതെങ്കിലും സ്ഥിരമായി അനുഭവപ്പെടുന്നുവെങ്കില്‍, അതിനെ അവഗണിക്കാതെ ഡോക്ടറെ സമീപിക്കുക. നേരത്തെയുള്ള ചികിത്സയാണ് വൃക്ക രോഗങ്ങളെ തടയാനുള്ള ഏറ്റവും നല്ല മാര്‍ഗം.