പിൻവാതിലിലൂടെ
പിഞ്ഞാണം നീട്ടി
പിന്നെയും പിന്നെയും
കഞ്ഞി വാങ്ങി
മുൻനിരയിൽ വ്രതം
നോറ്റു നിന്നീടുവോർ
കഞ്ഞിയില്ലാതെ
കുഴഞ്ഞു വീണു
ഏഴു വെളുപ്പിനെഴിച്ചു പഠിച്ചവർ റാങ്കുമായ് കഞ്ഞിയ്ക്കു കാത്തുനിൽക്കെ
പിന്നാം പുറവാതിൽ
മെല്ലെ തുറന്നിട്ട് പിഞ്ഞാണം, കഞ്ഞിയെ കൊണ്ടുപോയി
കാത്തു നിന്നോർക്കോ
കഞ്ഞിയില്ലാതെ
കാരാഗൃഹം പോലെ
ജീവിതമായ്
നോക്കൂ ഈ പിൻ വാതിലെത്രമനോഹരം
വെയിലേറ്റിടാതെ ,വരിയിൽ നിൽക്കാതെ, റാങ്ക തോ വേണ്ടാതെ,
പിന്നിൽ ചൊറിയുന്ന കൈയിരുന്നാൽ മതി
പിന്നെയും പിന്നെയും കഞ്ഞി വാങ്ങാം