സൈക്കിളില്‍ പോകവെ ബാലന്‍സ് തെറ്റി ചിറയിലേക്ക്; സെയ്ദലി ഓടിയെത്തി കൈകളില്‍ പിടിച്ചു; ചിറയില്‍ വീണ ആറ് വയസുകാരന് സംഭവിച്ചത്; മുങ്ങിത്താണുകൊണ്ടിരുന്ന ആറ് വയസുകാരനെ രക്ഷിച്ച 12 വയസുകാരന്‍

പഴയ കഥകളിലുണ്ടായിരുന്നത് പോലെ ഹീറോയായ് ഓടിയെത്തിയ ഒരു കുട്ടിയാണ് സെയ്ദലി  പക്ഷേ ഇതൊരു സിനിമയല്ല, യാഥാര്‍ഥ്യ ജീവിതമാണ്. പായല്‍ മൂടിയ ചിറയില്‍ മുങ്ങിത്താണു കൊണ്ടിരുന്ന ആറുവയസ്സുകാരന് രാമന് ജീവന്‍ തിരികെ നല്‍കിയത് വെറും 12 വയസ്സുകാരന്റെ ധൈര്യമായിരുന്നു. ചിറയിലെ വെള്ളത്തിനുള്ളില്‍ നിന്നുയര്‍ന്ന ആ ചെറിയ കൈകള്‍ ഇന്ന് മുഴുവന്‍ നാട്ടിന്റെയും അഭിമാനമായി മാറിയിരിക്കുകയാണ്. അപകടത്തിന്റെ നിഴലിനുള്ളില്‍ വളര്‍ന്ന ഈ ധൈര്യകഥ, കുട്ടികളിലെ മനുഷ്യത്തെയും മനസ്സിന്റെയും ശക്തിയെയും ഓര്‍മിപ്പിക്കുന്നതാണ്.

സമീപത്തെ പാടശേഖരങ്ങളിലേക്കുള്ള വെള്ളം ശേഖരിക്കുന്ന വലിയ ചിറയാണ് ഏറത്തു ചിറ  ഗ്രാമത്തിനൊരു ജീവധാരപോലെ. ചിറയുടെ ചുറ്റും പായല്‍ പടര്‍ന്ന പച്ചപ്പും വെള്ളത്തിന്റെ നിശ്ശബ്ദതയും ചേര്‍ന്ന മനോഹരമായ ദൃശ്യമാണ് അവിടെ കാണാറുള്ളത്. പക്ഷേ ആ നിശ്ശബ്ദതയെ ഒരുനിമിഷം ഭയാനകമായ ശബ്ദമില്ലാത്ത സംഭവമാക്കി മാറ്റുകയായിരുന്നു ആറുവയസ്സുകാരന്‍ രാമന്റെ അപകടം. ചിറയ്ക്കു സമീപത്തെ പറമ്പില്‍ അന്നേദിവസം ആഘോഷ മൂടിയ അന്തരീക്ഷമായിരുന്നു. ജ്വാല ലൈബ്രറി ആന്‍ഡ് സ്പോര്‍ട്സ് ക്ലബ്ബ് സംഘടിപ്പിച്ച പരിപാടിയ്ക്കായി കുട്ടികളും യുവാക്കളും ഒത്തു കൂടിയിരുന്നു. അതേ സമയം, രാമന്‍ തന്റെ സൈക്കിളില്‍ സന്തോഷത്തോടെ അവിടേക്ക് വരുകയായിരുന്നു. സുഹൃത്തുക്കളെ കാണാനും പരിപാടി കാണാനും ഉള്ള ആകാംക്ഷയായിരുന്നു അവന്റെ മുഖത്ത്. പക്ഷേ അടുത്ത നിമിഷം അതെല്ലാം ദുരന്തമായി മാറി.

സമീപത്തെ റോഡിലേക്കു കയറുന്നതിനിടെ, ചെറിയ ഒരു തെന്നലാണ് സംഭവിച്ചത്. സൈക്കിളിന്റെ നിയന്ത്രണം നഷ്ടമായി, രാമന്‍ പായല്‍ മൂടിയ വെള്ളത്തിലേക്ക് വീണു. അവിടെ നിന്നെഴുന്നേല്‍ക്കാന്‍ ശ്രമിച്ചെങ്കിലും വെള്ളം ആ ചെറിയ ശരീരത്തെ അടിക്കടിയായി താഴേക്കു വലിച്ചു. അതേ സമയം, ക്ലബ്ബ് പരിപാടിയുടെ ഭാഗമായി ഉച്ചഭാഷിണി മുഴങ്ങിക്കൊണ്ടിരുന്നതിനാല്‍ രാമന്റെ നിലവിളി ആരും കേട്ടതും ഇല്ല. പക്ഷേ അപ്പോള്‍ 12 വയസ്സുകാരന്‍ സെയ്ദലി പരിപാടി കാണാന്‍ ആ വഴി വന്നത്. രാമന്‍ വെള്ളത്തില്‍ വീഴുന്നത് ഈ 12 കാരന്‍ ദൂരേന്നെ കണ്ടു. 

ഉടന്‍ തന്നെ ഓടിയെത്തി ആ കുഞ്ഞികൈകള്‍ രാമന് നീട്ടിക്കൊടുത്തു. സെയ്ദാലി നീട്ടിയ കൈകളില്‍ രാമന്‍ മുറുകെപ്പിടിച്ചു കിടന്നു. വലിച്ചു കയറ്റാനുള്ള ശ്രമത്തിനിടെ സെയ്ദലി ഉച്ചത്തില്‍ ശബ്ദമുണ്ടാക്കി. ചിറയുടെ മറുകരയില്‍ ഇരിക്കുകയായിരുന്ന രാമന്റെ മുത്തച്ഛന്‍ രാജു അതു കേട്ടു. രാജുവും നാട്ടുകാരും ക്ലബ് ഭാരവാഹികളും ഓടിയെത്തി രാമനെ കരയ്ക്കു കയറ്റി. പിടി വിടാതെ രാമനെ പിടിച്ചു കിടന്ന സെയ്ദലിക്ക് അവരുടെ വക അഭിനന്ദനങ്ങളും. അല്‍പം വെള്ളം ഉള്ളില്‍ പോയെന്നല്ലാതെ രാമനു കുഴപ്പമൊന്നുമില്ല. സൈക്കിളും പിന്നീട് മുങ്ങിത്തപ്പിയെടുത്തു. ജീവിതത്തിലേക്കു മടങ്ങിയെത്തിയ രാമന്റെ തോളില്‍ സെയ്ദലി കയ്യിട്ടു നിന്നു. ഈ കുട്ടികളാണ് ഇന്നു നാട്ടിലെ വാര്‍ത്താതാരങ്ങള്‍. 

പറക്കുളം മഞ്ഞക്കുഴി വീട്ടില്‍ സുരേഷിന്റെയും അശ്വതിയുടെയും മകനും ചാത്തന്നൂര്‍ ഗവ. എച്ച്എസിലെ ഒന്നാം ക്ലാസ് വിദ്യാര്‍ഥിയുമായ രാമന്‍ എന്ന ആദിഷ് കഴിഞ്ഞ ദിവസം ഉച്ചയോടെ സൈക്കിളില്‍ വരവേ കൊട്ടിയം പറക്കുളം ഏറത്തു ചിറയില്‍ വീഴുകയായിരുന്നു. പുല്ലാങ്കുഴി കനാല്‍ വീട്ടില്‍ സിയാദ് സജീന ദമ്പതികളുടെ മകനും കൊട്ടിയം സിഎഫ്എച്ച്എസിലെ ഏഴാം ക്ലാസ് വിദ്യാര്‍ഥിയുമായ സെയ്ദലിയാണ് രക്ഷകനായെത്തിയത്. ചിറയില്‍ മുന്‍പ് 4 പേര്‍ വീണു മരിച്ചിട്ടുണ്ടെന്നു നാട്ടുകാര്‍ പറയുന്നു. ചിറയുടെ ഒരു ഭാഗത്തു മാത്രമാണു ഇരുമ്പുവേലികള്‍ സ്ഥാപിച്ചിട്ടുള്ളത്. അവശേഷിക്കുന്ന ഭാഗങ്ങളിലും ഇരുമ്പുവേലി സ്ഥാപിക്കണമെന്നാണു നാട്ടുകാരുടെ ആവശ്യം.