ഓടിയെത്തയപ്പോള്‍ കണ്ടത് രക്തത്തില്‍ കുളിച്ച് കിടക്കുന്ന ഭാര്യയെ; കോരി എടുത്ത് ആംബുലന്‍സില്‍ ആശുപത്രിയിലേക്ക്; പക്ഷേ പോകുന്ന വഴി ഭര്‍ത്താവിന്റെ കൈയ്യില്‍ കിടന്ന് മരണം; ജോലിക്ക് പോകാന്‍ നിന്ന സോണിയയക്ക് സംഭവിച്ചത്; ഞെട്ടല്‍ മാറാതെ ഭര്‍ത്താവ് ഷാന്‍

പ്രിയപ്പെട്ട ഒരാള്‍ കണ്‍മുന്നില്‍ കിടന്ന് മരിക്കുന്നതിനേക്കാള്‍ വലിയ ദുഃഖം മനുഷ്യജീവിതത്തില്‍ ഇല്ലെന്ന് പറയാം. അത്തരം നിമിഷങ്ങളില്‍ ഹൃദയം തകര്‍ന്നുപോകും, വാക്കുകള്‍ നഷ്ടപ്പെടും, കണ്ണീര്‍ ഒഴുകും. സ്വന്തം കണ്ണിന് മുന്നില്‍ ജീവന്‍ നഷ്ടമാകുന്ന കാഴ്ച ഒരിക്കലും മറക്കാനാവാത്ത ഒരു മുറിവായി മനസില്‍ പതിയും. അതിന്റെ വേദന കാലം കടന്നുപോയാലും മനസ്സില്‍ നിന്ന് മായുകയില്ല. അപകടത്തില്‍ പരിക്കേറ്റ് എന്നെങ്കിലും ഒരിക്കല്‍ നമ്മോട് സംസാരിക്കുമെന്ന പ്രതീക്ഷ പോലും അപ്പോള്‍ നിഷ്ഫലമായി പോകുന്നു. ജീവിതത്തില്‍ ഏറ്റുവം ഇരുണ്ടതും ഹൃദയഭേദകവുമായ അനുഭവം തന്നെയാണ് അത്. അത്തരമൊരു അപകടമാണ് സോണിയുടെ ഭര്‍ത്താവ് ഷാനിന്റെ ജീവിതത്തിലും സംഭവിച്ചിരിക്കുന്നത്.
 
കണ്‍മുന്നിലേക്ക് ഓടിയെത്തിയ മരണം സോണിയയെ ഇങ്ങനെ പെട്ടെന്ന് തട്ടിയെടുത്തു പോകുമെന്ന് ഷാന്‍ ഒരിക്കലും സ്വപ്‌നത്തിലുപോലും കരുതിയിരുന്നില്ല. സന്തോഷത്തോടെ തുടങ്ങിയൊരു സാധാരണ ദിവസമാണ് ഒരൊറ്റ നിമിഷത്തില്‍ ദുഃഖമായി മാറിയത്. ഭര്‍ത്താവ് ഷാന്റെ തന്നെ കൈകളിലാണ് സോണിയയുടെ അവസാന ശ്വാസം അവസാനിച്ചത്. അന്ന്, സ്‌കൂട്ടറില്‍ ഭാര്യയെ പനവേലി ജംക്ഷനില്‍ ഇറക്കി, പതിവുപോലെ സമീപത്തെ ചായക്കടയില്‍ കുറച്ച് നേരം നില്‍ക്കുകയായിരുന്നു ഷാന്‍. ചെറിയൊരു ഇടവേളക്കായി മാറിനിന്ന ആ സമയം തന്നെ ജീവിതത്തെ മുഴുവന്‍ മറിച്ചുമറിക്കുന്ന വിധിയിലേക്ക് കൊണ്ടുപോയി. പെട്ടെന്ന് ഉണ്ടായ അപകടം കണ്ട് ഷാന്‍ സ്ഥലത്തേക്ക് ഓടി എത്തി.

അപകടസ്ഥലത്ത് കണ്ട കാഴ്ച അദ്ദേഹത്തിന്റെ മനസിനെ തകര്‍ത്തുമാറ്റി  രക്തത്തില്‍ കുളിച്ച് കിടക്കുന്ന സോണിയ, കണ്ണുകള്‍ അടഞ്ഞ്, പ്രതികരണമൊന്നുമില്ലാതെ. ഒരിക്കല്‍ പോലും വിളിച്ച് എഴുന്നേല്‍പ്പിക്കാമെന്ന് തോന്നിയെങ്കിലും, എല്ലാം കഴിഞ്ഞെന്ന് മനസ്സിലാക്കിയപ്പോള്‍ ലോകം തന്നെ ശൂന്യമായി തോന്നി. ചില നിമിഷങ്ങള്‍ ഒരാള്‍ക്ക് ജീവിതകാലം മുഴുവന്‍ സഹിക്കേണ്ട വേദനയായി മാറുന്നുണ്ടെന്നതിന് ഈ സംഭവം ജീവിച്ചിരിക്കുന്ന തെളിവായിരുന്നു. താങ്ങിപ്പിടിച്ച് കരുതലോടെ ആംബുലന്‍സില്‍ കയറ്റിയെങ്കിലും, വഴിയിലുടനീളം എല്ലാവരുടെയും മനസ്സില്‍ ഒരേയൊരു പ്രാര്‍ത്ഥന  സോണിയയെ ഏതുവിധേനയും രക്ഷിക്കണമെന്നത്. പക്ഷേ കൊട്ടാരക്കര താലൂക്ക് ആശുപത്രിയില്‍ എത്തിച്ചപ്പോഴേക്കും ഡോക്ടര്‍മാര്‍ മരണം സ്ഥിരീകരിച്ചു. ആ വാര്‍ത്ത കേട്ടപ്പോള്‍ കുടുംബാംഗങ്ങളുടെ നിലവിളിയും കരച്ചിലും ആശുപത്രി പരിസരം മുഴുവന്‍ നിറഞ്ഞു.

സോണിയയുടെ യാത്ര, പറക്കമുറ്റാത്ത രണ്ട് പെണ്‍കുട്ടികളെയും സ്‌നേഹമേറിയ ഭര്‍ത്താവിനെയും ബന്ധുക്കളെയും അനാഥരാക്കി. സ്വന്തം വീട്ടില്‍ താമസിക്കണമെന്നിരുന്ന ജീവിതകാലത്തെ സ്വപ്നം അവള്‍ പൂര്‍ത്തിയാക്കാനായില്ല. വീടിന്റെ നിര്‍മാണം അവസാനഘട്ടത്തിലാണ്  മതിലുകള്‍ പൂര്‍ത്തിയായി, ജനല്‍-കതകുകള്‍ ഘടിപ്പിച്ചുകഴിഞ്ഞു, ഇനി അലങ്കാരം മാത്രം ബാക്കി. പക്ഷേ ആ വീടിന്റെ ചിരിയും സന്തോഷവും നിറയ്‌ക്കേണ്ട സോണിയ ഇനി അവിടെ ഉണ്ടാകില്ലെന്നതാണ് എല്ലാവര്‍ക്കും ഏറ്റവും വലിയ വേദന. സോണിയയുടെ മക്കളായ ആഷ്‌ലി ഒന്‍പതാം ക്ലാസിലും ആഷ്ന ഏഴാം ക്ലാസിലും പഠിക്കുന്നു. അമ്മയുടെ സ്‌നേഹവും കരുതലും നഷ്ടപ്പെട്ട ഈ കുട്ടികളുടെ കണ്ണുകളില്‍ ഇപ്പോള്‍ നിറഞ്ഞിരിക്കുന്നത് വേദനയും മാത്രമാണ്. അമ്മയുടെ സാന്നിധ്യം ഇല്ലാതെ മുന്നോട്ടുപോകേണ്ട ജീവിതം, അവരുടെ പ്രായത്തിന് അത്യന്തം ഭാരം കൂടിയൊരു യാത്രയായിരിക്കും.

നഴ്‌സാണ് സോണിയ. രാവിലെ ജോലി സ്ഥലത്തേക്ക് പോകാന്‍ ബസ് കാത്ത് നില്‍ക്കുമ്പോഴാണ് അപകടം സംഭവിക്കുന്നത്. എംസി റോഡില്‍ പനവേലി ജംക്ഷനില്‍ ബസ് കാത്ത് നില്‍ക്കുകയായിരുന്നു സോണിയ. ഭര്‍ത്താവ് തൊട്ട് അപ്പറുത്തുള്ള ചായക്കടിയിലും. ഇവരുടെ ഇടയിലേക്ക് പാഴ്സല്‍ വാന്‍ പാഞ്ഞു കയറുകയായിരുന്നു. സംഭവത്തില്‍ ശ്രീകുട്ടി എന്ന പെണ്‍കുട്ടിയും മരിച്ചിരുന്നു. ഇന്നലെ രാവിലെ 6.55നായിരുന്നു ദാരുണ സംഭവം. കൊട്ടാരക്കര ഭാഗത്തേക്കുള്ള ബസ് കാത്തു നില്‍ക്കുകയായിരുന്നു യാത്രക്കാര്‍ക്കിടയിലേക്ക് നിയന്ത്രണം വിട്ടെത്തിയ വാന്‍ പാഞ്ഞു കയറുകയായിരുന്നു. ഓടിക്കൂടിയ നാട്ടുകാരാണ് രക്ഷാപ്രവര്‍ത്തനം നടത്തിയത്. വാന്‍ ഉപേക്ഷിച്ച് ഡ്രൈവറും ജീവനക്കാരനും കടന്നുകളഞ്ഞെങ്കിലും പിന്നീടു പൊലീസ് പിടികൂടി.ഡ്രൈവര്‍ ഉറങ്ങിപ്പോയതാണ് അപകട കാരണമെന്നാണ് പ്രാഥമിക വിലയിരുത്തല്‍. നാളെയാണ് സോണിയയുടെ സംസ്‌കാരം.