വീട്ടില്‍ നിന്നും നിര്‍ബന്ധിച്ചിട്ടാണ് വിവാഹം കഴിച്ചതെന്ന് ജാസി പറഞ്ഞത് ഞാന്‍ സമ്മതിച്ച് തരില്ല;ജാസിയുടേത് ഫോഴ്‌സ്ഡ് മാരേജ് അല്ല;  ദയ ഗായത്രി ജാസിയെക്കുറിച്ച് പറയുന്നത്

സോഷ്യല്‍ മീഡിയയിലൂടെയും ടെലിവിഷന്‍ പരിപാടികളിലൂടെയും മലയാളി പ്രേക്ഷകര്‍ക്ക് സുപരിചിതയായ ട്രാന്‍സ് വുമണ്‍ ദയ ഗായത്രി ജാസിയെക്കുറിച്ചും വെളിപ്പെടുത്തിയ കാര്യങ്ങളാണ് ഇപ്പോള്‍ ശ്രദ്ധേയമാകുന്നത്. തന്റെ സ്വത്വം മറ്റൊന്നായതുകൊണ്ട് ആ വിവാഹബന്ധം അധികനാള്‍ നീണ്ടുനിന്നില്ലെന്നും തങ്ങള്‍ വിവാഹമോചിതരായി എന്നും ജാസി മുമ്പ് വെളിപ്പെടുത്തിയിട്ടുണ്ട്. വിവാഹം കഴിച്ചതുപോലും വീട്ടുകാരുടെ നിര്‍ബന്ധപ്രകാരമായിരുന്നുവെന്നാണ് ജാസി പലപ്പോഴായി പറഞ്ഞിട്ടുള്ളത്. 

എന്നാല്‍ സത്യം അതല്ലെന്ന് പറയാതെ പറയുകയാണ് കമ്യൂണിറ്റിയിലെ അംഗവും സോഷ്യല്‍മീഡിയ ഇന്‍ഫ്‌ലൂവന്‍സറുമായ ട്രാന്‍സ് വുമണ്‍ ദയ ഗായത്രി. ജാസിയുമായി നടത്തിയ ഒരു ഫോണ്‍ സംഭാഷണത്തിന്റെ ഓഡിയോയും ദയ പുറത്തുവിട്ടിരുന്നു. അതാണിപ്പോള്‍ വീണ്ടും ചര്‍ച്ചയാകുന്നത്. ട്രാന്‍സ്‌ജെന്ററാണെന്ന് ബോധ്യമുണ്ടെങ്കില്‍ വിവാഹം കഴിച്ച് മറ്റൊരു പെണ്‍കുട്ടിയുടെ ജീവിതം തകര്‍ക്കരുതെന്ന് ദയ ജാസിക്ക് മുന്നറിയിപ്പ് നല്‍കിയിരുന്നത്രെ. അത് കാര്യമാക്കാതെയാണത്രെ ജാസി വിവാഹം കഴിച്ചത്.

ആ വൈറല്‍ ഫോണ്‍ സംഭാഷണത്തില്‍ ദയ ജാസിയോട് പറഞ്ഞത് ഇങ്ങനെയാണ്... മുമ്പേ തന്നെ ട്രാന്‍സ്‌ജെന്ററാണ് ജാസിയെന്ന് എനിക്ക് അറിയാമായിരുന്നു. ട്രാന്‍സ്‌ജെന്ററാണെന്ന് ജാസിക്ക് സ്വയം അറിയാമായിരുന്നില്ലേ?. അറിയാമായിരുന്നിട്ടും പിന്നെ എന്തിന് ജാസി വിവാഹം കഴിച്ചു. ഇങ്ങനൊരു ജീവിതത്തിലേക്ക് വേറൊരാളെ കൂടി കൊണ്ടുവന്നത് എന്ത് സിറ്റുവേഷന്റെ പേരിലാണ്?. വീട്ടില്‍ നിന്നും നിര്‍ബന്ധിച്ചിട്ടാണ് വിവാ?ഹം കഴിച്ചതെന്ന് ജാസി പറഞ്ഞാലും ഞാന്‍ അത് സമ്മതിച്ച് തരില്ല. കാരണം... അനന്യ ചേച്ചിയുടെ വീട്ടില്‍ വെച്ച് ഈ വിഷയം സംസാരിച്ചപ്പോള്‍ ജാസി എന്നോട് പറഞ്ഞ മറുപടിയുണ്ട്. വിവാഹം കഴിക്കരുത് അത് ശരിയല്ലെന്ന് ഞാന്‍ പറഞ്ഞപ്പോള്‍ കല്യാണം കഴിക്കാന്‍ എനിക്ക് പറ്റും മോളെ... അങ്ങനെ ജീവിക്കാന്‍ എനിക്ക് പറ്റും എന്ന് പറഞ്ഞു. എന്റെ വീട്ടുകാര്‍ വളരെ ഓര്‍ത്ത്‌ഡോക്‌സായ മുസ്ലീംസാണ്. 

ഉപ്പയേക്കാള്‍ എനിക്ക് പേടി ഉപ്പയുടെ ജേഷ്ഠനെ ആയിരുന്നു. കല്യാണം കഴിച്ചശേഷമാണ് ഞാന്‍ ഒരു ട്രാന്‍സാണെന്ന് എനിക്ക് പൂര്‍ണ്ണമായും മനസിലായത് എന്നാണ് ജാസി പറഞ്ഞത്. ട്രാന്‍സ്‌ജെന്ററാണെന്ന് ഉറപ്പ് വരുത്താന്‍ ഏതേലും ഒരു പെണ്‍കുട്ടിയെ വെച്ച് ട്രയല്‍ നോക്കുന്നതിനോട് എന്താണ് അഭിപ്രായം എന്ന തലക്കെട്ടോടെയാണ് ജാസിയുമായുള്ള ഫോണ്‍ സംഭാഷണം ദയ ?ഗായത്രി പുറത്തുവിട്ടത്.