വിശാല്‍ നായകനായ എത്തുന്ന ലാത്തി എന്ന ചിത്രത്തിന്റെ ടീസര്‍ ശ്രദ്ധ നേടുന്നു.എ വിനോദ്കുമാര്‍ സംവിധാനം ചെയ്ത ആക്ഷന്‍ ത്രില്ലറില്‍ പൊലീസ് ഉദ്യോഗസ്ഥനായിട്ടാണ് നടന്‍ വേഷമിടുന്നത്.വിശാലിന്റെ 32- മത്തെ സിനിമയായ ' ലാത്തി ' യുടെ ടീസര്‍ കഴിഞ്ഞ ദിവസം ഉദയനിധി സ്റ്റാലിന്‍, എസ്. ജെ. സൂര്യ എന്നിവര്‍ ചേര്‍ന്ന് ചെന്നൈയില്‍ നടന്ന പൊതു ചടങ്ങില്‍ വെച്ചാണ് റീലീസ് ചെയ്തത്.
സ്റ്റണ്ട് മാസ്റ്റര്‍ പീറ്റര്‍ ഹെയ്ന്‍ ഒരുക്കിയ കോരി തരിപ്പിക്കുന്ന സംഘട്ടന രംഗങ്ങളും പഞ്ച് ഡയലോഗുകളും കോര്‍ത്തിണക്കിയ ടീസര്‍ റിലീസ് ചെയ്ത മണിക്കൂറുകള്‍ക്കകം തന്നെ അത് ആരാധകരില്‍ ആവേശമായി ആളി പടരുകയായിരുന്നു.
അഞ്ചു ഭാഷകളിലായി പുറത്തിറങ്ങിയ ടീസര്‍ ദശ ലക്ഷം കാഴ്ചക്കാരെ നേടി തരംഗമായി മുന്നേറുകയാണ്.പൊലീസ് കമ്മീഷണറായും, എസ് പി യായും മറ്റും സ്‌ക്രീനില്‍ തകര്‍ത്താടി പ്രേക്ഷകരെ ആവേശം കൊള്ളിച്ച വിശാല്‍ ലാത്തിയില്‍ ഒരു സാധാരണ കോണ്‍സ്റ്റബിളായിട്ടാണ് എത്തുന്നതെങ്കിലും കഥാപാത്രത്തിന്റെ വീറിനും വാശിക്കും തെല്ലും കുറവില്ല എന്ന് ടീസര്‍ വെളിവാക്കുന്നുണ്ട്. ബാലസുബ്രമണ്യന്റെയും, ' ബാഹുബലി ' ഫെയിം ബാലകൃഷ്ണ തോട്ടയുടെയും ക്യാമറകള്‍ രംഗങ്ങള്‍ക്ക് ബ്രഹ്മാണ്ടത നല്‍കുന്നു.
വിശാലിന്റെ ഉറ്റസുഹൃത്തുക്കള്‍, നടന്മാരായ രമണയും നന്ദയും ചേര്‍ന്ന് റാണാ പ്രൊഡക്ഷന്റെ ബാനറില്‍ നിര്‍മ്മക്കുന്ന ഈ പ്രഥമ ചിത്രം സംവിധാനം ചെയ്യുന്നത് നവാഗതനായ ഏ.വിനോദ് കുമാറാണ്. തമിഴ്, മലയാളം, തെലുങ്ക്, കന്നടം, ഹിന്ദി എന്നീ അഞ്ചു ഭാഷകളിലാണ് ചിത്രം എത്തുന്നത്. ആക്ഷനും വൈകാരികതയും സമ്മിശ്രമായി ഇഴ പിന്നിയ പോലീസ് സ്റ്റോറിയാണ് ' ലാത്തി ' ക്ക് അവലംബം.
സുനൈനയാണ് ചിത്രത്തില്‍ വിശാലിന്റെ നായിക. മലയാളി നടന്‍ പി. എന്‍. സണ്ണിയാണ് ഇതിലെ ശക്തമായ വില്ലന്‍ കഥാപാത്രത്തെ അവതരിപ്പിക്കുന്നത്. .നടന്‍ പ്രഭുവും മുഖ്യ കഥാപാത്രത്തെ അവതരിപ്പിക്കുന്നുണ്ട്. യുവന്‍ ഷങ്കര്‍ രാജയാണ് ചിത്രത്തിന്റെ സംഗീത സംവിധായകന്‍.
Premium Lifestyle and Entertainment website
'അരിഹയ്ക്ക് കിട്ടാവുന്നതില്‍ വച്ച് ഏറ്റവും മികച്ച അച്ഛനാണ് നിങ്ങള്‍; നിങ്ങളുടെ സാന്നിധ്യം ഞങ്ങളുടെ ജീവിതത്തിനു കൂടുതല്‍ അര്‍ഥം നല്‍കി; എന്നും എന്നെന്നും ഞങ്ങളുടേത് മാത്രമായിരിക്കും; ഫാദേഴ്‌സ് ഡേയില്‍ കുറിപ്പുമായി മീര വാസുദേവന്‍
മകന്‍ മേഘനാഥന് പിന്നാലെ അമ്മയും പോയി; ബാലന്‍ കെ നായരുടെ ഭാര്യ ശാരദാമ്മ വിടവാങ്ങി; സംസ്‌കാരം ഇന്ന് ഷൊര്‍ണ്ണൂരില്‍