സമൂഹമാധ്യമങ്ങളില്‍ മോര്‍ഫ് ചെയ്ത ചിത്രങ്ങളും അടിസ്ഥാനരഹിതമായ ആരോപണങ്ങളും പ്രചരിപ്പിച്ച സംഭവത്തില്‍ 20 വയസ്സുള്ള തമിഴ്നാട്ടുകാരിയായ യുവതിയാണ് പിന്നിലെന്ന് നടി അനുപമ പരമേശ്വരന്‍. കേരള സൈബര്‍ പൊലീസിന്റെ സഹായത്തോടെ നടത്തിയ അന്വേഷണത്തിലാണ് പ്രതിയെ തിരിച്ചറിഞ്ഞതെന്ന് അനുപമ അറിയിച്ചു. ഇന്‍സ്റ്റഗ്രാം പേജിലൂടെയായിരുന്നു നടിയുടെ പ്രതികരണം.
കുറച്ച് ദിവസങ്ങള്‍ക്ക് മുമ്പാണ് അനുപമയുടെയും കുടുംബാംഗങ്ങളുടെയും പേരില്‍ അനുചിതമായതും വ്യാജവുമായ കാര്യങ്ങള്‍ ഒരു ഇന്‍സ്റ്റാഗ്രാം പ്രൊഫൈലില്‍ പ്രചരിക്കുന്നതായി ശ്രദ്ധയില്‍പ്പെട്ടത്. സഹതാരങ്ങളെയും സുഹൃത്തുക്കളെയും ടാഗ് ചെയ്തുകൊണ്ടുള്ള ഈ പോസ്റ്റുകള്‍ ഏറെ വിഷമമുണ്ടാക്കിയതായി അനുപമ സോഷ്യല്‍ മീഡിയയില്‍ പങ്കുവെച്ചു. കൂടുതല്‍ അന്വേഷിച്ചതില്‍, ഒരാള്‍ മാത്രമാണ് വിദ്വേഷം പ്രചരിപ്പിക്കുക എന്ന ലക്ഷ്യത്തോടെ ഒന്നിലധികം വ്യാജ അക്കൗണ്ടുകള്‍ ഉണ്ടാക്കി നടിക്കെതിരെ മോശം ഉള്ളടക്കം പോസ്റ്റ് ചെയ്തതെന്ന് വ്യക്തമായി.
വിഷയം ശ്രദ്ധയില്‍പ്പെട്ടയുടന്‍ കേരള സൈബര്‍ ക്രൈം പോലീസില്‍ പരാതി നല്‍കിയെന്നും അവരുടെ അന്വേഷണം വളരെ വേഗത്തിലും ഫലപ്രദവുമായിരുന്നെന്നും അനുപമ വ്യക്തമാക്കി. അന്വേഷണത്തില്‍ കണ്ടെത്തിയത് ചെന്നൈയില്‍ നിന്നുള്ള ഒരു 20 വയസുകാരിയാണെന്നും, അവളുടെ പ്രായം പരിഗണിച്ച് പേരുവിവരങ്ങള്‍ പുറത്തുവിടാതിരിക്കുകയാണെന്നും നടി കൂട്ടിച്ചേര്‍ത്തു. അവളുടെ ഭാവിയും മാനസിക സമാധാനവും തകര്‍ക്കാന്‍ ആഗ്രഹിക്കുന്നില്ലെന്നും അവര്‍ പറഞ്ഞു.
സ്മാര്‍ട്ട്‌ഫോണ്‍ ഉപയോഗിക്കുന്നതിനും സോഷ്യല്‍ മീഡിയയില്‍ ഇടപെടുന്നതിനും മറ്റുള്ളവരെ അപമാനിക്കാനും വിദ്വേഷം പ്രചരിപ്പിക്കാനുമുള്ള അവകാശം നല്‍കുന്നില്ലെന്ന് അനുപമ ഓര്‍മ്മിപ്പിച്ചു. ഓണ്‍ലൈന്‍ പ്രവര്‍ത്തനങ്ങള്‍ക്ക് തെളിവുകള്‍ അവശേഷിക്കുമെന്നും ഇതിന് മറുപടി പറയേണ്ടി വരുമെന്നും നിയമ നടപടികള്‍ സ്വീകരിച്ചിട്ടുണ്ടെന്നും അവര്‍ കൂട്ടിച്ചേര്‍ത്തു. പൊതുപ്രവര്‍ത്തകര്‍ക്ക് നേരെ ഇത്തരം ആക്രമണങ്ങള്‍ ഉണ്ടാകുന്നത് അംഗീകരിക്കാനാവില്ലെന്നും നടി വ്യക്തമാക്കി.
Premium Lifestyle and Entertainment website
ഞങ്ങള്‍ക്കിടയില്‍ നടന്ന സംഭാഷണങ്ങള്‍ക്കും ധാരണയ്ക്കും ശേഷം ബന്ധത്തില്‍ നിന്ന് പിന്മാറാന്‍ രണ്ട് കുടുംബങ്ങളും തീരുമാനിച്ചു;സമാധാനം, ഭാവി എന്നിവയ്ക്കാണ് പ്രാധാന്യം.. അതിനെ മാനിക്കണം, ചോദ്യങ്ങള്‍ ഒഴിവാക്കുക'; നിശ്ചയിച്ച വിവാഹ ബന്ധത്തില്‍ നിന്ന് പിന്മാറിയതായി നടി രേഷ്മ എസ് നായര്‍