ഞാന്‍ വിളിച്ചാല്‍ നീ വരും; നീ വിളിച്ച് നോക്ക്; നീ വരും എന്റെ ചാത്തന്‍മാര്‍ വരുതിക്കും; വില്ലനായും നായകനായും ടൊവിനോ: ഒപ്പം ദുല്‍ഖറും; ലോക ചാപ്റ്റര്‍ 2 പ്രെമോ പുറത്ത്‌

'ലോക' സീരീസിന്റെ ആരാധകര്‍ ഏറെ ആകാംക്ഷയോടെ കാത്തിരുന്ന ഒരു വിസ്മയമാണ് ഒടുവില്‍ പുറത്തുവന്നത്. ചാത്തനും ഒടിയനും ഒരുമിച്ച് എത്തുന്ന ദൃശ്യങ്ങള്‍ അടങ്ങിയ പ്രമോ വീഡിയോയാണ് അണിയറക്കാര്‍ ഇപ്പോള്‍ പങ്കുവെച്ചിരിക്കുന്നത്. ഇത് 'ലോക: ചാപ്റ്റര്‍ 2'വിലേക്കുള്ള പ്രധാന സൂചനകളില്‍ ഒന്നായി ആരാധകര്‍ ഏറ്റെടുത്തിരിക്കുകയാണ്.

ടൊവിനോ തോമസ് അവതരിപ്പിക്കുന്ന ചാത്തന്റെ മൂത്ത സഹോദരനാണ് രണ്ടാമത്തെ ഭാഗത്തിലെ പ്രധാന വില്ലന്‍. ഈ കഥാപാത്രത്തെയും അവതരിപ്പിക്കുന്നത് ടൊവിനോ തന്നെയായിരിക്കും. 'ലോക: ചാപ്റ്റര്‍ വണ്‍'ന്റെ അവസാനത്തില്‍ അദ്ദേഹത്തിന്റെ സാന്നിധ്യത്തെ കുറിച്ച് സൂചനകള്‍ നല്‍കിയിരുന്നു. ഇപ്പോള്‍ അത് കൂടുതല്‍ വ്യക്തമാക്കിയാണ് പുതിയ വീഡിയോ എത്തിയത്.

അതോടൊപ്പം തന്നെ ദുല്‍ഖര്‍ സല്‍മാന്‍ അവതരിപ്പിക്കുന്ന ഒടിയന്‍ കഥാപാത്രവും രണ്ടാം ഭാഗത്തില്‍ പ്രത്യക്ഷപ്പെടും എന്ന് വീഡിയോ സൂചിപ്പിക്കുന്നു. വലിയ ബജറ്റില്‍ ഒരുക്കുന്ന ചിത്രമായിരിക്കും 'ലോക: ചാപ്റ്റര്‍ 2'. 390 ചാത്തന്മാരെ ചുറ്റിപ്പറ്റിയാണ് കഥ മുന്നോട്ട് പോകുന്നത്. ആദ്യ ഭാഗത്തേക്കാള്‍ വലിപ്പത്തിലും ദൃശ്യാഭാസത്തിലും വലിയ മാറ്റങ്ങളുമായാണ് 'ലോക: ചാപ്റ്റര്‍ 2' ഒരുക്കുന്നത്. ചാത്തനെയും ഒടിയനെയും ഒരുമിച്ച് സ്‌ക്രീനില്‍ കാണാനുള്ള കാത്തിരിപ്പിന് ശക്തമായ തുടക്കമാണ് ഈ പ്രമോ വീഡിയോ നല്‍കുന്നത്.