വിവാഹിതയാവാന്‍ ഒരുങ്ങുകയാണ് നടിയും സോഷ്യല്‍ മീഡിയ ഇന്‍ഫ്ളുവന്‍സറും മോഡലുമായ അമേയ മാത്യു. കിരണ്‍ കട്ടിക്കാരന്‍ ആണ് അമേയയുടെ പ്രിയതമന്‍. വിവാഹത്തിന് ദിവസം ഇതുവരെ പുറത്ത് വിട്ടിട്ടില്ലെങ്കിലും വരും ദിവസം തന്നെ വിവാഹം ഉണ്ടെന്ന സൂചനകളാണ് പുറത്ത് വരുന്നത്. കാരണം കൂട്ടുകാര്‍ക്കൊപ്പമുള്ള ബ്രൈഡല്‍ ഷവര്‍ ചിത്രങ്ങളാണ് നടിയിപ്പോള്‍ പങ്ക വച്ചിരിക്കുന്നത്.
വിവാഹത്തിനു മുന്നോടിയായി കൂട്ടുകാരാണ് അമേയയുടെ ബ്രൈഡല്‍ ഷവര്‍ ആഘോഷമായി സംഘടിപ്പിച്ചത്. കൊച്ചിയിലെ ലെ മെറിഡീയന്‍ ഹോട്ടലിലാണ് ആഘോഷങ്ങള്‍ നടന്നത്. സ്‌റ്റൈലിഷ് ലുക്കിലാണ് അമേയ.
പ്രതിശ്രുത വരനായ കിരണ്‍ സോഫ്റ്റ് വയര്‍ എന്‍ജിനിയറായി കാനഡയിലാണ് ജോലിചെയ്യുന്നത്.സോഷ്യല്‍ മീഡിയയിലും ഏറെ സജീവമാണ് അമേയ. കരിക്കിന്റെ ഭാസ്‌കരന്‍പിള്ള ടെക്‌നോളോജിസ് എന്ന കോമഡി വീഡിയോയിലൂടെയാണ് അമേയ ശ്രദ്ധേയയായത്. ആട് 2, ദ പ്രീസ്റ്റ്, വൂള്‍ഫ് തുടങ്ങിയ ചിത്രങ്ങളില്‍ അഭിനയിച്ചിട്ടുണ്ട്.
ഈ വര്‍ഷം മെയ് മാസമായിരുന്നു ഇവരുടെ വിവാഹ നിശ്ചയം. തിരുവനന്തപുരം സ്വദേശിയാണ് അമേയ. താന്‍ വിവാഹിതയാവാന്‍ പോവുകയാണെന്നുള്ള വാര്‍ത്ത സോഷ്യല്‍മീഡിയയിലൂടെയായിരുന്നു താരം പങ്കുവെച്ചത്. ഭാവിവരന്റെ മുഖം വ്യക്തമാക്കാതയായിരുന്നു ആദ്യത്തെ പോസ്റ്റ്.
പിറന്നാള്‍ ദിവസമായിരുന്നു പ്രിയതമനെക്കുറിച്ച് അമേയ കൂടുതലായി വാചാലയായത്. ഇത്തവണത്തെ ബര്‍ത്ത് ഡേ ഏറെ സ്പെഷലാണ്. ഈ പിറന്നാള്‍ മുതല്‍ എന്റെ ജീവിതത്തിലേക്ക് ഒരാള്‍ കൂടി കടന്നുവരികയാണ്. ഇതേ ദിവസം തന്നെ പ്രിയതമനെ എല്ലാവര്‍ക്കും പരിചയപ്പെടുത്താനായി കാത്തിരിക്കുകയായിരുന്നു. എന്റെ ജീവിതം പൂര്‍ണ്ണമാക്കിയ ആളാണ് കിരണ്‍ എന്നുമായിരുന്നു അമേയ പറഞ്ഞത്.
Premium Lifestyle and Entertainment website
പഠിക്കാന്‍ മിടുക്കരാണോ? പണമില്ലെങ്കിലും മമ്മൂട്ടി കൂടെയുണ്ട്; വിദ്യാമൃതം-5 സൗജന്യവിദ്യാഭ്യാസ പദ്ധതിക്ക് തുടക്കം
പുതിയ വീടിന്റെ പണി പൂര്‍ത്തയായി; പാലുകാച്ച് നിശ്ചയിച്ചിരുന്നത് ഈ മാസം 28ന്; പക്ഷേ വിധിച്ചത്; അച്ഛനുറങ്ങുന്ന മണ്ണില്‍ രഞ്ജിതയ്ക്കും അന്ത്യനിദ്ര; കണ്ണീരണിഞ്ഞ് നാട്ടുകാരും കുടുംബവും
കൂട്ടുകാരികളെ കണ്ട് പൊട്ടിക്കരഞ്ഞ് രഞ്ജിതയുടെ മകള്‍ ഇതിക; കരയല്ലേ... നിനക്ക് ഇനി ഞങ്ങളുണ്ട്; ആശ്വാസവാക്കുകളുമായി കൂട്ടുകാരികള്‍; കൂട്ടുകാരികള്‍ നല്‍കിയ മാനസിക കരുത്തും സ്‌നേഹവും മാതൃകയായി സ്‌നേഹബന്ധം