പ്രേക്ഷകരെ ആകാംഷയുടെ മുള്‍മുനയില്‍ നിര്‍ത്തുന്ന ഒരു ഹ്രസ്വ ചിത്രം അതാണ് അവാന്‍ അജിത്തിന്റെ കാഷ്വാലിറ്റി! മുംബൈയിലെ വിസ്ലിംഗ് വുഡ്‌സ് ഇന്റര്‍നാഷണലില്‍ ഡിപ്ലോമ പ്രൊജക്റ്റിന്റെ ഭാഗമായി അവാന്‍ അജിത് മേനോന്‍ രചനയും സംവിധാനവും നിര്‍വ്വഹിച്ച കാഷ്വാലിറ്റി പ്രമേയത്തിന്റെ വ്യത്യസ്തതകൊണ്ടും സംവിധാമികവ് കൊണ്ടും ശ്രദ്ധേയമാകുകയാണ്.
മഴപെയ്യുന്ന ഒരു രാത്രിയില്‍ ഒറ്റപ്പെട്ട ഒരു പ്രദേശത്തെ ആശുപത്രിയും അവിടെ നടക്കുന്ന സംഭവവികാസങ്ങളും പ്രമേയമാക്കിയെടുന്ന കാഷ്വാലിറ്റി പൂര്‍ണ്ണമായും ഒരു ആശുപത്രിക്കുള്ളില്‍ നടക്കുന്ന ഒരു ആവേശകരമായ ഒരു ഒറ്റരാത്രി കഥയാണ്.പണത്തിനു മുന്നില്‍ അത്യാഗ്രഹം, നിരാശ, ധാര്‍മ്മികത വഴിമാറി സഞ്ചരിക്കുന്നതിന്റെ തലങ്ങളാണ് ചിത്രത്തിന്റെ പ്രമേയം. പണം നിറഞ്ഞ ഒരു നിഗൂഢ ബാഗ്, ആരാണ് അതിന്റെ യഥാര്‍ത്ഥ അവകാശി ? ആര്‍ക്കാണ് അതിലെ പണം ഉപകാരപ്പെടുക ? 20 മിനിറ്റ് സമയത്തിനുള്ളില്‍ ക്രൈം ത്രില്ലര്‍ സിനിമയുടെ അനുഭവങ്ങള്‍ കാഴ്ചക്കാരന് കാഷ്വാലിറ്റി സമ്മാനിക്കുന്നു.
മുംബൈയിലെ വിസ്ലിംഗ് വുഡ്‌സ് ഇന്റര്‍നാഷണലില്‍ ഡിപ്ലോമ പ്രൊജക്റ്റിന്റെ ഭാഗമായി അവാന്‍ അജിത് മേനോന്‍ രചനയും സംവിധാനവും നിര്‍വ്വഹിച്ച ഈ ചിത്രം ഇന്റര്‍നാഷണല്‍ ഫിലിം ഫെസ്റ്റിവല്‍ ഓഫ് സൗത്ത് ഏഷ്യ ടൊറന്റോ & 4-ാമത് ഹിമാചല്‍ ഷോര്‍ട്ട് ഫിലിം ഫെസ്റ്റിവല്‍ 2024 എന്നിവയുടെ ഭാഗമായിട്ടുണ്ട്.
14-ാമത് ബാംഗ്ലൂര്‍ ഷോര്‍ട്ട്‌സ് ഫിലിം ഫെസ്റ്റിവലില്‍ മികച്ച ഛായാഗ്രഹണം, 4-ാമത് കൊല്‍ക്കത്ത ഷോര്‍ട്ട്‌സ് ഫിലിം ഫെസ്റ്റിവലില്‍ മികച്ച ചിത്രം, ഷോര്‍ട്ട്ഫണ്ട്‌ലി സമ്മര്‍ ഫിലിം ഫെസ്റ്റ് 2025 ല്‍ സെമി-ഫൈനലിസ്റ്റ് തുടങ്ങിയ നേട്ടങ്ങള്‍ക്ക് അര്‍ഹമായിട്ടുണ്ട്.
മലയാളം സിനിമാ വ്യവസായത്തിലെ പ്രമുഖര്‍ പങ്കെടുത്ത ചെന്നൈയിലും കൊച്ചിയിലും കാഷ്വാലിറ്റിക്ക് സ്വകാര്യ പ്രദര്‍ശനങ്ങളും ഉണ്ടായിരുന്നു. തരുണ്‍ മൂര്‍ത്തി, ചിദംബരം, ജിസ് ജോയ്, സുചിത്ര മോഹന്‍ലാല്‍, ജിതിന്‍ കെ ജോസ്, രമ്യ നമ്പേശന്‍, ജോര്‍ജ്ജ് കോര, മനീഷ് നാരായണന്‍ തുടങ്ങിയവര്‍ പ്രധാന അതിഥികളായി പങ്കെടുത്തു.''ഈ സിനിമയുടെ ഹൈലൈറ്റ് എഴുത്തുകാരനും സംവിധായകനുമാണ്.'' - ജിസ് ജോയ് അഭിപ്രായപ്പെട്ടു
2023 ല്‍ വിസ്ലിംഗ് വുഡ്‌സ് ഇന്റര്‍നാഷണലില്‍ നിന്ന് ഫിലിം മേക്കിംഗില്‍ ബിരുദം എടുത്ത വ്യക്തിയാണ് സംവിധായകനായ അവാന്‍ അജിത് മേനോന്‍. നാല് കോളേജ് പ്രോജക്ടുകള്‍ക്ക് ശേഷമുള്ള അദ്ദേഹത്തിന്റെ അഞ്ചാമത്തെ ഷോര്‍ട്ട് ഫിലിമും അവസാന ഡിപ്ലോമ പ്രോജക്റ്റുമാണ് കാഷ്വാലിറ്റി. മാധ്യമ പ്രവര്‍ത്തക രേഖ മേനോന്റെയും മാധ്യമ അധ്യാപകന്‍ അജിത് ഭാസ്‌കരന്റെയും മകനും ഇതിഹാസ കവിയും ഗാനരചയിതാവും ചലച്ചിത്ര നിര്‍മ്മാതാവുമായ പി. ഭാസ്‌കരന്റെ ചെറുമകനുമാണ് അദ്ദേഹം.
കാഷ്വാലിറ്റിക്ക് ശേഷം, അവാന്‍ 'ഡെമോണ്‍സ്' എന്ന മറ്റൊരു ഹ്രസ്വചിത്രം എഴുതി, നിര്‍മ്മിച്ച്, സംവിധാനം ചെയ്തിട്ടുണ്ട്. നിരവധി അവാര്‍ഡുകള്‍ നേടിയ ഈ ചിത്രം ഇപ്പോള്‍ ഫെസ്റ്റിവല്‍ യാത്രയിലാണ്, ഉടന്‍ പുറത്തിറങ്ങാനിരിക്കുകയാണ്.
Premium Lifestyle and Entertainment website
സാരി ഉടുത്ത് മുല്ലപ്പൂ ചൂടിയെത്തി; കയ്യില്‍ കുപ്പിവളയണിഞ്ഞ് തനി നാടന്‍ ലുക്ക്; ജാസ്മിന്‍ ജാഫറിന്റെ പുതിയ ചിത്രങ്ങള്‍ വൈറല്‍; ഏറ്റെടുത്ത് സോഷ്യല്‍ മീഡിയ 
ജേണലിസത്തില്‍ ബിരുദാനന്തര ബിരുദം; മീഡിയാ വണ്ണിലെയും ഏഷ്യാനെറ്റ് ന്യൂസിലെയും മുന്‍ ജേണലിസ്റ്റ് ട്രെയിനി; സിനിമയോട് പാഷനായപ്പോള്‍ ഫ്രീലാന്‍സ് അവതാരകയായി; താര അഭിമുഖങ്ങള്‍ സിനിമയിലേക്ക് വഴിതുറന്നു; ഗിന്നസ് പക്രുവിന്റെ സിനിമയിലൂടെ അഭിനയ രംഗത്തേക്ക്; 'ഹൂ കെയേഴ്സ്' എന്ന വാക്കില്‍ രാഹുലിനെ വീഴ്ത്തി; റിനി ആന്‍ ജോര്‍ജ്ജിന്റെ കഥ..!
പത്മനാഭസ്വാമി ഒരു വികാരം; ക്ഷേത്രത്തിലെ മുറജപ ലക്ഷദീപ വിളംബര ചടങ്ങില്‍ പങ്കാളിയായി മോഹന്‍ലാല്‍;സ്വപ്നത്തില്‍ പോലും നിനയ്ക്കാത്ത കാര്യമെന്നും നടന്‍
'എന്നെ കുറിച്ച് മോശം പോസ്റ്റ് ഇടുന്ന ഒരാള്‍ ഒരിക്കല്‍ എന്നോട് തന്നെ കഥ പറയാന്‍ വന്നു; ഫേസ്ബുക്കില്‍ പോസ്റ്റ് ഇടുന്നവര്‍ക്ക് മാസം ആയിരം രൂപ വെച്ച് കിട്ടും;എന്നെ ചീത്ത വിളിച്ച് മറ്റൊരാള്‍ക്ക് ഉപകാരം ഉണ്ടാകുന്നുണ്ടെങ്കില്‍ സന്തോഷം; ചന്തു സലിംകുമാര്‍