ടൊറന്റോ രാജ്യാന്തര ഫെസ്റ്റിവല് മികച്ച പ്രതികരണം നേടി നിവിന് പോളിയെ നായകനാക്കി ഗീതു മോഹന്ദാസ് സംവിധാനം ചെയ്ത മൂത്തോന് സിനിമയുടെ വേള്ഡ് പ്രീമിയര് ആണ് ടൊറന്റോയില് വച്ച് നടന്നത്. ചിത്രം മാസ്റ്റര് ക്ലാസാണെന്നും നിവിന്റെ പ്രകടനനം ആസാധ്യമാണെ്ന്നുമാണ് പ്രകേഷകരുടെ വിലയിരുത്തല്.ടൊറന്റോ ഫെസ്റ്റിവലിന്റെ സ്പെഷ്യല് റെപ്രസന്റേഷന് വിഭാഗത്തിലാണ് ചിത്രം പ്രദര്ശിപ്പിച്ചത്.
വേള്ഡ് പ്രീമിയറിനായി ഗീതു മോഹന്ദാസ്, നിവിന് പോളി, റോഷന് മാത്യു എന്നിവരും ടൊറോന്റിയില് എത്തിയിരുന്നു. മൂത്തോന് ലക്ഷദ്വീപിന്റെ പശ്ചാത്തലത്തിലൊരുക്കിയ മൂത്തോനി'ല്, തന്റെ ജ്യേഷ്ഠ സഹോദരനെ അന്വേഷിച്ച് മുംബൈയിലേക്ക് പോകുന്ന ഒരു ലക്ഷദ്വീപുകാരനായിട്ടാണ് നിവിനെത്തുന്നത്. ഗീതു മോഹന്ദാസ് തന്നെയാണ് ചിത്രത്തിന്റെ തിരക്കഥ ഒരുക്കിയിരിക്കുന്നത്.
ചിത്രത്തിലെ ഹിന്ദി സംഭാഷണങ്ങള് ഒരുക്കിയിരിക്കുന്നത് ബോളിവുഡ് സംവിധായകനായ അനുരാഗ് കശ്യപാണ്. ജെ എ ആര് പിക്ചേഴ്സ്, മിനി സ്റ്റുഡിയോ തുടങ്ങിയ നിര്മ്മാണ കമ്പനികളുടെ ബാനറില് അനുരാഗ് കശ്യപ്, വിനോദ് കുമാര്, അലന് മാക്അലക്സ്, അജയ് ജി.റായ് എന്നിവര് ചേര്ന്നാണ് ചിത്രം നിര്മ്മിച്ചിരിക്കുന്നത്.
കാമാത്തിപുര, ലക്ഷദ്വീപ് തുടങ്ങിയ ഇടങ്ങളിലെ യഥാര്ത്ഥ ലൊക്കേഷനുകളിലാണ് ചിത്രീകരണം പൂര്ത്തിയാക്കിയത്. സണ്ഡാന്സ് സ്ക്രീന്റൈറ്റേര്സ് ലാബിന്റെ ഭാഗമായ ചിത്രം ഗ്ലോബല് ഫിലിംമേക്കിങ് അവാര്ഡ് കരസ്ഥമാക്കിയിരുന്നു. 'ലയേഴ്സ് ഡയസി'നു ശേഷം ഗീതു സംവിധായികയാവുന്ന ചിത്രമെന്ന പ്രത്യേകതയും 'മൂത്തോനു'ണ്ട്. ഓസ്കാര് അവാര്ഡുകളില് ഇന്ത്യയുടെ ഔദ്യോഗിക എന്ട്രിയും ലയേഴ്സ് ഡയസ് സ്വന്തമാക്കിയിരുന്നു.
നിവിന് പോളിയെ കൂടാതെ സഞ്ജന ദീപു, ശശാങ്ക് അറോറ, ശോഭിത ധുലിപാല, റോഷന് മാത്യു, ദിലീഷ് പോത്തന്, ഹരീഷ് ഖന്ന, സുജിത് ശങ്കര്, മെലീസ രാജു തോമസ് തുടങ്ങിയവരും ചിത്രത്തിലുണ്ട്. മൂത്തോന്റെ ഛായാഗ്രഹണം രാജീവ് രവിയും സൗണ്ട് ഡിസൈന് കുനാല് ശര്മ്മയും നിര്വ്വഹിച്ചിരിക്കുന്നു. എഡിറ്റിംഗ് ബി അജിത്കുമാറും കിരണ് ദാസും ചേര്ന്നാണ് എഡിറ്റിംഗ്. സംഗീതം നിര്വ്വഹിച്ചത് സാഗര് ദേശായ്. സ്നേഹ ഖാന്വാല്ക്കര്, ബാലഗോപാലന്, വാസിക്ക് ഖാന്, ഗോവിന്ദ് മേനോന്, റിയാസ് കോമു,സുനില് റോഡ്രിഗസ് എന്നിവരും 'മൂത്തോന്റെ' അണിയറയില് പ്രവര്ത്തിക്കുന്നുണ്ട്.
മൂത്തോന്റെ ടൊറന്റോ വേള്ഡ് പ്രീമിയര് തന്റെ സ്വപ്ന സാക്ഷാത്കാരമാണെന്ന് നിവിന് പോളി പറഞ്ഞു. തന്റെ സിനിമകള് വിശാലമായ പ്രേക്ഷകരിലേക്ക് എത്തിക്കണമെന്ന് എപ്പോഴും ആഗ്രഹിച്ചിരുന്നു. ഇത് അത്തരമൊരു നിമിഷമാണെന്ന് നിവിന് പറഞ്ഞു. നേരത്തെ ലിജോ ജോസ് പെല്ലിശ്ശേരിയുടെ ജല്ലിക്കെട്ടും ടൊറന്റോയില് പ്രദര്ശിപ്പിച്ചിരുന്നു.
മിനി സ്റ്റുഡിയോ, ജാര് പിക്ചേഴ്സ്, പാരഗണ് പിക്ചേഴ്സ് എന്നീ ബാനറുകള്ക്കൊപ്പം ബോളിവുഡ് സംവിധായകന് അനുരാഗ് കാശ്യപും ചേര്ന്നാണ് മൂത്തോന് നിര്മ്മിച്ചിരിക്കുന്നത്. നിവിനൊപ്പം ശശാങ്ക് അറോറ, ശോഭിത് ധൂലിപാല, റോഷന് മാത്യു, ദിലീഷ് പോത്തന്, ഹരീഷ് ഖന്ന, സുജിത്ത് ശങ്കര്, മെലിസ രാജു തോമസ് എന്നിവര് അഭിനയിക്കുന്നു. ലക്ഷദ്വീപും മുംബൈയുമായിരുന്നു പ്രധാന ലൊക്കേഷനുകള്. ലക്ഷദ്വീപുകാരനായ പതിനാലുകാരന് തന്റെ മുതിര്ന്ന സഹോദരനെ തേടി യാത്ര തിരിക്കുന്നതാണ് ചിത്രത്തിന്റെ പ്ലോട്ട് എന്നാണ് പുറത്തുവന്ന വിവരം. രാജീവ് രവി ഛായാഗ്രഹണം നിര്വ്വഹിക്കുന്ന ചിത്രത്തിന്റെ എഡിറ്റിംഗ് അജിത്ത് കുമാര്, കിരണ് ദാസ് എന്നിവര് ചേര്ന്നാണ് നിര്വ്വഹിച്ചിരിക്കുന്നത്.
Premium Lifestyle and Entertainment website
കഠിനാധ്വാനം കൊണ്ടും സ്നേഹം കൊണ്ടും കണ്ണീരും ക്ഷമയും പരസ്പരമുള്ള വിശ്വാസവും കൊണ്ടും ഞങ്ങള് നേടിയെടുത്തത്; നിങ്ങള്ക്ക് കഴിയില്ലെന്ന് പറഞ്ഞവര്ക്കുള്ള മറുപടി;ആദ്യത്തെ വാഹനം എന്നതിലുപരി മറ്റെന്തൊക്കെയോ ആണ്; ആദ്യ കാര് സ്വന്തമാക്കിയ സന്തോഷം പങ്കുവെച്ച് ആദിലയും നൂറയും 
വാടക കുടിശികയായി നല്കാനുള്ളത് 16 ലക്ഷത്തോളം രൂപ; ബിഗ്ബോസ് വിജയി ജിന്റോയുടെ ജിം ലേലം ചെയ്ത് ആലുവ നഗരസഭ; 2021 ന് ശേഷം വാടക നല്കിയിട്ടില്ലെന്ന് കണ്ടെത്തല്