സാഹസം സിനിമയിലെ സരിഗമ പുറത്തിറക്കിയ 'ഓണം മൂഡ്' ഗാനം ഈ വര്‍ഷത്തെ ഓണാഘോഷങ്ങളുടെ ഹൃദയസ്പന്ദനമായി മാറി. കേരളത്തിലും പ്രവാസ മലയാളികളിലും ഒരുപോലെ ഏറ്റുപാടപ്പെട്ട ഈ ഗാനം സോഷ്യല്‍ മീഡിയയില്‍ വന്‍ തരംഗം സൃഷ്ടിച്ചു.
''പറ പറ പറപറക്കണ പൂവേ പൂവേ'' എന്ന് തുടങ്ങുന്ന ഈ പാട്ട്, വാട്‌സ്ആപ്പ് സ്റ്റാറ്റസുകളും ഇന്‍സ്റ്റഗ്രാം റീലുകളും നിറച്ചു. ബിബിന്‍ അശോകിന്റെ സംഗീതവും വിനായക് ശശികുമാറിന്റെ വരികളും ചേര്‍ന്ന ഗാനം ഫെജോ, ഹിംന ഹിലരി, ഹിനിത ഹിലരി എന്നിവര്‍ ചേര്‍ന്നാണ് ആലപിച്ചത്. ഗാനത്തിന്റെ ആകര്‍ഷകമായ താളവും ആഘോഷാഭരണമായ വരികളും പ്രേക്ഷകര്‍ ആഘോഷത്തിന്റെ ഭാഗമായി ഏറ്റെടുത്തു.
യൂട്യൂബില്‍ മാത്രം 25 മില്യണിലധികം പ്രേക്ഷകര്‍ വീഡിയോ കണ്ടുകഴിഞ്ഞു. ഇന്‍സ്റ്റഗ്രാമില്‍ 1,90,000ലധികം റീലുകളില്‍ ഈ ഗാനം ഉപയോഗിച്ചു. 50,000ത്തിലധികം യൂട്യൂബ് ഷോര്‍ട്ട്‌സിലും ഇത് പ്രത്യക്ഷപ്പെട്ടിട്ടുണ്ട്. ചെന്നൈ സൂപ്പര്‍ കിങ്‌സ്, മാഞ്ചസ്റ്റര്‍ സിറ്റി, ബൊറൂസിയ ഡോര്‍ട്മുണ്ട് തുടങ്ങിയ പ്രമുഖ സ്‌പോര്‍ട്സ് ടീമുകളും ഈ പാട്ട് ഉപയോഗിച്ച് ആരാധകര്‍ക്ക് ഓണം ആശംസകള്‍ നേര്‍ന്നു.
സ്‌പോട്ടിഫൈയുടെ കൊച്ചി ടോപ്പ് സോങ്സ് ചാര്‍ട്ടില്‍ രണ്ടാം സ്ഥാനവും ഇന്ത്യയിലെ ടോപ്പ് സോങ്സ് ചാര്‍ട്ടില്‍ 135ാം സ്ഥാനവും 'ഓണം മൂഡ്' സ്വന്തമാക്കി. സ്‌പോട്ടിഫൈയുടെ വൈറല്‍ സോങ്സ് ഇന്ത്യ ലിസ്റ്റില്‍ 13ാം സ്ഥാനവും ഗ്ലോബല്‍ വൈറല്‍ ചാര്‍ട്ടില്‍ 53ാം സ്ഥാനവും നേടി.
''ഓണത്തിന്റെ സമ്പന്നമായ പാരമ്പര്യങ്ങളെ ആഘോഷിക്കുന്ന ഗാനമാണ് 'ഓണം മൂഡ്'. കേരളത്തില്‍ നിന്നും ആഗോള വേദികളിലേക്ക് മലയാളികളുടെ മനസില്‍ ഇടം നേടിയതില്‍ ഞങ്ങള്‍ അഭിമാനിക്കുന്നു,'' എന്ന് സരിഗമ ഇന്ത്യ ലിമിറ്റഡ് അധികൃതര്‍ അറിയിച്ചു. സംഗീത-വിനോദ രംഗത്ത് ഇന്ത്യയിലെ ഏറ്റവും പഴക്കമേറിയ സ്ഥാപനമായ സരിഗമയുടെ കൈവശം 1,40,000ലധികം ഗാനങ്ങളുള്ള വിപുലമായ ശേഖരം നിലവിലുണ്ട്.
Premium Lifestyle and Entertainment website
വെള്ളക്കടല കൊണ്ട് ചാട്ട് മസാല 
വീട്ടില്‍ പല്ലശല്യം ഉണ്ടോ? ഇങ്ങനെ ചെയ്തു നോക്കൂ
തലമുടി കൊഴിച്ചില്‍; കൊണ്ടുവരണം ജീവിത ശൈലിയിലും മാറ്റം
എച്ച്3എന്‍2 ഇന്‍ഫ്ലുവന്‍സ വൈറസ് കേസുകള്‍ വര്‍ധിക്കുന്നു; ലക്ഷണങ്ങളും പ്രതിരോധ മാര്‍ഗങ്ങളും
ഇന്ത്യയില്‍ സ്റ്റാര്‍ലിങ്ക്; ഉപഗ്രഹ ഇന്റര്‍നെറ്റ് സേവനം ഉടന്‍
തലച്ചോറിന്റെ രഹസ്യങ്ങള്‍ ഏറെ ഇഷ്ടപ്പെട്ടിരുന്ന കുട്ടി; കൗതകം രാജ്യത്തെ പ്രമുഖ ന്യൂറോളജിസ്റ്റുകളില്‍ ഒരാളാക്കി; ഇപ്പോള്‍ ആയിരിക്കണക്കിന് ആളുകള്‍ക്ക് സൗജന്യ ചികിത്സ നല്‍കുന്നു; ഡോ. ബിന്ദുവിനെ ന്യൂറോളജിസ്റ്റാക്കിയ കഥ