ഫേയ്‌സ് വാഷ് ഇനി വീട്ടില്‍ തന്നെ ഉണ്ടാക്കി നോക്കൂ; പൈസയും ലാഭം; ചര്‍മ്മവും തിളങ്ങും

ചര്‍മ സംരക്ഷണത്തിലെ ആദ്യ പടിയാണ് ക്ലെന്‍സിംഗ്  അഥവാ ചര്‍മം വൃത്തിയാക്കല്‍. ദിവസം മുഴുവന്‍ പൊടി, എണ്ണ, വിയര്‍പ്പ്, ബാക്ടീരിയ എന്നിവ ചര്‍മത്തില്‍ അടിഞ്ഞുകൂടും. ഇവ നീക്കം ചെയ്തില്ലെങ്കില്‍ മുഖം മങ്ങുകയും ചര്‍മപ്രശ്‌നങ്ങള്‍ വരാനും സാധ്യത കൂടുതലാണ്.

വിപണിയില്‍ വിവിധ ഫേസ് വാഷുകള്‍ ലഭ്യമായിരുന്നാലും, വീട്ടില്‍ തന്നെ ചില പ്രകൃതിദത്ത മാര്‍ഗ്ഗങ്ങള്‍ പരീക്ഷിക്കാം. ഇവ ചര്‍മം വൃത്തിയാക്കുന്നതിനൊപ്പം ആരോഗ്യം, തിളക്കം, മൃദുത്വം എന്നിവയും നല്‍കും.

മയമുള്ള ചര്‍മത്തിനായി

മുഖത്ത് എണ്ണ കൂടുതലാണോ?
കടലമാവ് എടുത്ത് അല്പം മഞ്ഞള്‍പൊടി ചേര്‍ക്കുക. റോസ് വാട്ടര്‍ ചേര്‍ത്ത് പേസ്റ്റ് ഉണ്ടാക്കി മുഖത്ത് പുരട്ടി അല്പം മസാജ് ചെയ്യുക. പിന്നീട് വെള്ളത്തില്‍ കഴുകുക. എണ്ണയും അഴുക്കും പൂര്‍ണമായി നീങ്ങും.

വെള്ളരിക്ക നീരും റോസ് വാട്ടറും ചേര്‍ത്ത് ഒരു ടോണര്‍ ഉണ്ടാക്കാം. മുഖം കഴുകിയ ശേഷം കോട്ടന്‍ ബോളില്‍ മുക്കി മുഖത്ത് പുരട്ടുക. 10 മിനിറ്റ് കഴിഞ്ഞ് കഴുകി കളയുമ്പോള്‍ മുഖം തണുപ്പ് തോന്നും.

വരണ്ടയും സാധാരണയും ചര്‍മത്തിനായി

ഒരു സ്പൂണ്‍ തേന്‍ എടുത്ത് അതില്‍ ചെറുനാരങ്ങ നീര് ചേര്‍ക്കുക. മുഖത്ത് പുരട്ടി 10-15 മിനിറ്റ് കഴിഞ്ഞ് ചെറു ചൂടുവെള്ളത്തില്‍ കഴുകുക. ചര്‍മം പ്രകാശിക്കും.

കറ്റാര്‍വാഴ ജെല്ലും വെളിച്ചെണ്ണയും ചേര്‍ത്ത് ഒരു പേസ്റ്റ് ഉണ്ടാക്കാം. മുഖത്ത് പുരട്ടി മൃദുവായി മസാജ് ചെയ്യുക. വളരെ വരണ്ട ചര്‍മമുള്ളവര്‍ കഴുകാതെ വൃത്തിയുള്ള തുണി കൊണ്ട് തുടച്ചെടുക്കാം.

സെന്‍സിറ്റീവ് ചര്‍മത്തിനായി

വെള്ളരിക്ക നീര് + കറ്റാര്‍വാഴ ജെല്ല് = പര്‍ഫെക്ട് സുഖം!
മുഖത്ത് പുരട്ടി 3-4 മിനിറ്റ് മസാജ് ചെയ്യുക. ചര്‍മത്തിലെ ചുവപ്പ് കുറയുകയും ശാന്തമാകുകയും ചെയ്യും.

അരിക്കുതിര്‍ത്ത വെള്ളം (റൈസ് വാട്ടര്‍) രണ്ടു ദിവസം വരെ ഫ്രിഡ്ജില്‍ സൂക്ഷിക്കാം. മുഖം കഴുകിയ ശേഷം ഇത് മുഖത്ത് പുരട്ടി കുറച്ച് മിനിറ്റ് കഴിഞ്ഞ് കഴുകുക. ചര്‍മം പ്രകൃതിദത്തമായി തിളങ്ങും.

കുറച്ച് ടിപ്പുകള്‍

മുഖം വൃത്തിയാക്കുന്നതിന് മുന്‍പ് കൈകള്‍ കഴുകാന്‍ മറക്കരുത്.

ഏതെങ്കിലും മിശ്രിതം ആദ്യമായി പരീക്ഷിക്കുമ്പോള്‍ കൈവിരലിന് അകത്ത് ചെറിയ ടെസ്റ്റ് ചെയ്ത് നോക്കുക.

പ്രകൃതിദത്ത മാര്‍ഗ്ഗങ്ങള്‍ സ്ഥിരമായി ചെയ്താല്‍ മാത്രമേ നല്ല ഫലം കാണൂ.